I-ca-yaa 48 - RUAC KUƆTH IN RƐL RƆ

Kuoth ɛ Cääk kä Lueel

¹ Liŋ nɛmɛ lö dhɔr Je-kɔb, yɛn tin cɔalkɛ kɛ ciöt I-thɛ-rɛl, yɛn nɛy tin la kar Juda, tin yäc kɛ ciöt Kuɔth Nhial, tin liakɛ Kuoth I-thɛ-rɛl, duundɛ ɣöö /cia lät ni thuɔ̱k kɛnɛ cuɔ̱ɔ̱ŋ.

² Yɛn nɛy ti cɔalɛ rɔ̱ i̱ ji̱ wec in rɛl gɔɔydɛ rɔ, tin nɔ̱a̱kɛ rɔ Kuoth I-thɛ-rɛl, min cɔalkɛ ciötdɛ Kuoth Nhial in la Ruey Ɣɔaa.

³ Ɣän cä tëë kɔn lat ni wal, cäkɛ lat kɛ thokdä a cäkɛ jak kä ŋa̱ckɛ, cua̱kɛ la̱t kä cukɛ cu tuɔɔk.

⁴ Kɛ ɣöö ŋa̱cä buɔ̱m wecdu, kä bum ŋuäkdu ce̱tnikɛ ladiit, kä bum wi̱cdu ce̱tnikɛ ciɛk in yian,

⁵ ɣän cäkɛ la̱t ji̱ ni wal, a /ken kɛ ni tuɔɔk cäkɛ la̱t ji̱, kɛ kui̱c ɛmɔ /ci dëë wee i̱, “Ci kuth jiɛnkä kɛ la̱t, cakɛ lat ɛ walkä kɛnɛ kolaaŋkä.”

⁶ Ci ti̱ti̱ liŋ ɛn täämɛ, guickɛ kɛn diaal, a /cikɛ bi ku lat? A tookɛ niɛ walɛ a wä nhiam bä ji̱ la̱t tin pay tuɔɔk, ti te tɔ̱ɔ̱wä ti kui̱ci.

⁷ Paykɛ cak ɛn täämɛ, /cikɛ ti ca cak ni wal, /keni kɛ met liŋ ɛ niɛ walɛ, a /ci dëë wee i̱, “Kɛ thuɔ̱k ŋa̱cä kɛ.”

⁸ /Ken yɛn kɛ kɔŋ liŋ kä kuec yɛn kɛ, kɛ ɣöö ni wal /ken ji̱thkun kɔŋ lɛ̈p. Kä ŋa̱cä jɛ ɛn ɣöö bia lät a jiäk, kä cɔalkɛ ji̱ ram mi ci kac raar ni däpkädu.

⁹ “Kɛ kui̱ cio̱tädä cä gakdä päl, kɛ kui̱ puɔnyädä cä gakdä luɔc jɔk kä ji̱, kɛ ɣöö /cä ji̱ bi däk.

¹⁰ Kä nɛnɛ cä ji̱ lɛy, duundɛ ɣöö /cɛ ce̱tkɛ lëy cikä min bo̱r, ɣän cä ji̱ lɛy kɛ muɔ̱cdu rik.

¹¹ Kɛ kui̱dä, kɛ kui̱ pua̱a̱nydä cä jɛ la̱t, Ɛŋu mɔ dëë ciötdä jak kä jiäk ɔ? /Cä buaydä dëë ka̱m ram mi dɔ̱ŋ.

Luɔ̱ny I-thɛ-rɛl ɛ lɔr

¹² “Liŋä lö Je-kɔb, ji̱n I-thɛ-rɛl in cä cɔl! Ɛ ɣän, ɛ ɣän min nhiam, kä ɛ ɣän min jɔak.

¹³ Ɛ ɣän lät piny ɔ kɛ tetdä, kä ɛ tet cuëëcdä lät pua̱a̱r ɔ, mɔ cäkɛ cɔl ɔ, la kɛn rɔ a jiɛɛc ni kɛɛl.

¹⁴ “Bia yɛn diaal bia liɛŋɛ ruac! Ɛŋa kä kuth ci ti̱ti̱ lat ɔ? Ci Kuoth Nhial raan mɛk, mi bi Bɛ̈-bi-lɔn mak, bɛ cärkɛ la̱t kɛ kui̱ Kɛ̈l-da-ya.

¹⁵ Cu Kuoth Nhial wee i̱, ‘Ɣän cä ruac, cä jɛ cɔl, kä cä jɛ nööŋ, kä bä jɛ jak kä lätdɛ jɛ agɔaa.’

¹⁶ Yɛn bia kä ɣä liɛŋɛ nɛmɛ, nikɛ nhiam ɣän cä ruac ɛ jɔc, guäth ëë tuɔɔkɛ ta̱a̱ ɛn wi̱ni.” Kä ɛn täämɛ ci Kuäär ni Kuoth ɣä ja̱k kɛɛl kɛ yiëëdɛ.

¹⁷ Cu Kuoth Nhial ni Lueelun, min la Kuoth I-thɛ-rɛl wee i̱, “Ɛ ɣän Kuoth Nhial ni Kuothdu, mëë ci ji̱ ŋi̱eec kɛ min lot rɔ kɛ ji̱, min nyuuth ji̱ kɛ duɔ̱ɔ̱p in bi wä kɛ ji̱.

¹⁸ Duŋ mi cia liŋ ni ruacdä! Dëë ria̱ŋdun ce̱tnikɛ pi̱ kiɛr, kä dëë cuŋkun ce̱tnikɛ muaŋ yiëër,

¹⁹ dëë gaatkun ce̱tnikɛ liɛt, kä dëë kuaykun ce̱tnikɛ wäŋ bɛɛl, /ci ciöötkiɛn dëë met bath kiɛ deekɛ da̱k nhiamdä.”

²⁰ Jiayɛ kä Bɛ̈-bi-lɔn, barɛ rɔ̱ kä Kɛ̈l-da-ya, latdɛ jɛ kɛ jɔw tɛthä lɔaac, latdɛ jɛ, ja̱kɛ jɛ ni peek ɣɔaa, wiaa i̱, “Ci Kuoth Nhial ja̱ŋdɛ ni Je-kɔb luɛl!”

²¹ /Ken rɛwkɛ näk mëë bo̱o̱thɛ kɛ dɔr rɛ̈w, cuɛ kɛ moc pi̱w rɛy pa̱a̱m, cuɛ päm bak, kä cu pi̱w ri̱i̱ŋ raar.

²² Kä cu Kuoth Nhial wee i̱, “Thilɛ mal kɛ kui̱ nɛɛni tin jiäk.”