I-ca-yaa 4 - RUAC KUƆTH IN RƐL RƆ

¹ Ɛn guäth ɛmɔ bi män da̱ŋ bärɔw wut kɛl käp, kä bikɛ wee i̱, “Bakɔ rɔ̱ mi̱eeth kärɔ̱, kä bakɔ rɔ̱ kök bieyni, kuɛn ni nɛy, woc ni buara.”

Luuc Jɛ-ru-tha-lɛm jɔk

² Ɛn guäth ɛmɔ bi tin ci Kuoth Nhial kɛ pith ciɛk ɛlɔ̱ŋ, kä bikɛ gɔw, kä bi nɛy tin ŋot kɛ ciaaŋ kä I-thɛ-rɛl rɔ̱ liak kɛ tin ci ciɛk muun.

³ Kä nɛy tin ŋot kɛ tëk kä Dha-yɔn tin ci duɔth kä Jɛ-ru-tha-lɛm bakɛ cɔli ti rɛ̈lkɛ rɔ̱, kɛn nɛy tin ca ciöötkiɛn gɔ̱r tin tëk kä Jɛ-ru-tha-lɛm.

⁴ Bi Kuoth Nhial jiäk nyieet Dha-yɔn lak jɔ̱ɔ̱r, kä bɛ riɛm Jɛ-ru-tha-lɛm lak jɔ̱ɔ̱r rɛydɛ kɛ lukɛ yiëë mi päär kɛnɛ yiëë maac.

⁵ Kä bi Kuoth Nhial päm Dha-yɔn kɛnɛ nɛy tin ca rɔ̱ dol ɛn wi̱ni kum kɛ wuɔ̱n tuɔɔl kɛ cäŋdäär, kɛnɛ bo̱l maac kɛ wäär. Bi buay Kuɔth ram ɔ kum.

⁶ Ɛn kuum ɛmɔ, bɛ naath gaŋ kɛ cäŋ, kä ɛ gua̱a̱th lua̱k kä ɛ duel mi gaŋ naath kä thul kɛnɛ nhiaal.