I-ca-yaa 26 - RUAC KUƆTH IN RƐL RƆ

Dit puɔnyä Juda

¹ Ɛn cäŋ ɛmɔ dit ɛmɛ ba jɛ kɛt muun Juda wëë i̱, “Te nɛy kɛ wec mi bum, Kuoth puɔ̱nydɛ gaŋɛ pa̱nynikɛ.

² Lɛp thi̱ekni wec, kɛ ɣöö bi do̱r in lät cuŋ wä rɛc, kɛn nɛy tin tiɛtkɛ ŋa̱th.

³ Kä tit mal in thuɔ̱k, kɛ ram in cuŋ ni kä ji̱, ram in ci ŋa̱thdɛ la̱th kä ji̱.

⁴ Ŋäth ni Kuoth Nhial amäni cäŋ kɛl, kɛ ɣöö Kuoth Nhial ni Kuoth ɛ päm mi do̱raar.

⁵ Cɛ nɛy tin liakɛ rɔ luɔ̱c piny, cɛ wec in cieŋkɛ thi̱n däk, cɛ jɛ däk ɛ ca ni tup.

⁶ Ca jɛ dɔny kä piny kɛ ciök, ca jɛ dɔany ɛ can, ca jɛ jäl ɛ nɛy tin thil ŋu.”

⁷ Duɔ̱ɔ̱p gua̱n cuŋni ɛ carcar, lö Kuoth ci duɔ̱ɔ̱p cuŋni jak kä puɔth.

⁸ Bakɔ guɔ̱ɔ̱r ni ŋuɔ̱tku lö Kuoth Nhial, kä bakɔ lip ni ji̱, kä kɛ̈k cio̱tädu, ɛ jɛn min go̱o̱r lo̱ckɔ ni jɛ.

⁹ Go̱o̱r ti̱eydä ta̱a̱ kɛ̈ɛ̈l kɛ ji̱ kɛ wäär, kä go̱o̱r yiëëdä ji̱ kɛ thuɔ̱k. Mi wä lukdu wä ben wi̱i̱ muɔ̱ɔ̱n, bi ji̱ muɔ̱ɔ̱n ciaaŋ cuŋni ŋa̱c.

¹⁰ A cäŋ ca nɛy ti jiäk nyuɔ̱th gɔɔy, /cikɛ ciaaŋ cuŋni dëë ŋa̱c, ɛ cäŋ tekɛ muun cuŋni, la lät kɛn ni ti jiäk, kä /ca buɔ̱m Kuɔth Nhial ŋäc.

¹¹ Kä lö Kuoth Nhial ci tetdu kap nhial, duundɛ ɣöö /ci kɛn ɛ nɛn. Nyuthni jɛ kɛ ɛn ɣöö nhɔki nɛɛku, jak nikɛ kä po̱c. Kä ɛ mac in ci tɔ̱w kɛ kui̱ ji̱ tɛ̈ru thuukɛ.

¹² Lö Kuoth Nhial lätni nɛy kä mal, tin diaal tin cakɔ la̱t, kɛ tin ci lät kä kɔ.

¹³ Kä lö Kuoth Nhial ni Kuothda, ci kuth tin kɔ̱ŋ nɛy ruac, duundɛ ɣöö ŋa̱ckɔ ni ciötdu kärɔa.

¹⁴ Kɛn cikɛ li̱w, /ca rɔ̱ bi nyɔk kɛ tëk, kɛ ɣöö tin ci li̱w /ci yieykiɛn rɔ bi jiɛc, kä cikɛ gui̱l kɛ da̱k, ɛ ci kɛ̈kdiɛn jak kä thil ni kɛɛliw.

¹⁵ Ci do̱r jak kä di̱t lö Kuoth Nhial, ci do̱r jak kä di̱t ɛ liakɛ ji̱, ci këth wec muɔ̱ɔ̱n diaal lɛ̈k jɔk.

¹⁶ Lö Kuoth Nhial, ca ji̱ ben go̱r kɛ rikiɛn, kä mi wi̱i̱kɛ wä luek, bikɛ palni ji̱.

¹⁷ Kä lö Kuoth Nhial, cikɔ jak kä wiee nhiamdu, ce̱tnikɛ ciek mi daŋ rɔ kɛ mäc dapä.

¹⁸ Kɔn ruët nɛy kɛ gat, kä daŋ nɛy rɔ̱ kɛ bɛ̈c, kä thilɛ gat mi cakɔ dap. Thilɛ ka̱n mi cakɔ nööŋ wi̱i̱ muɔ̱ɔ̱n, kä /ken nɛy ji̱ wec muɔ̱ɔ̱n dap.

¹⁹ Kä bi nɛɛku tin ci li̱w rɔ̱ nyɔk kɛ tëk, bi pua̱nykiɛn rɔ̱ jiɛc li̱th. Kä yɛn nɛy tin cieŋ rɛy tuɔ̱ɔ̱r, jiacɛ rɔ̱ kä kɛtdɛ diit tɛthä lɔaac! Ce̱tkɛ min la thäc juaac a keer wi̱i̱ muɔ̱ɔ̱n, inɔ bi Kuoth Nhial nɛy tin ci li̱w jiɛc muun.

²⁰ Bia nɛɛkä, bia wiaa duëlikun, kä ga̱kɛ thiekni duëli, tɔ̱a̱wɛ rɔ̱ kɛ gua̱a̱th mi tɔt, amäni mi ci ŋɛ̈ɛ̈nydɛ thuɔ̱k.

²¹ Nɛnɛ Kuoth Nhial bëë raar guäth cieŋädɛ, kɛ ɣöö bɛ ji̱ wec muɔ̱ɔ̱n ben duäc, kɛ kui̱ dueerikiɛn, bi mun riɛm in ca wuɔ̱th thi̱n lat, /cɛ nɛy tin ca näk thi̱n bi tɛ̱̈ɛ̱̈.