I-ca-yaa 12 - RUAC KUƆTH IN RƐL RƆ

Dit tɛthä lɔaac

¹ Ɛn cäŋ ɛmɔ bi wee i̱, “Ɣän bä ji̱ liak lö Kuoth Nhial, ɛ cäŋ ni mɔ gaki kɛ ɣä mɔ, ci gakdu jiɛɛn kä ɣä, kä ci ɣä bum.

² “Kɛ thuɔ̱k Kuoth ɛ käändä, bä ŋäth ni jɛ /cä bi dual, kɛ ɣöö Kuoth Nhial ɛ buɔ̱mdä kä ɛ ditdä, kä ɛ jɛn la ka̱ndä mɔ.”

³ Kä bia pi̱w jɔm rɛy ji̱eeri känä kɛ tɛ̈th lɔaac.

⁴ Kä bia ruac ɛn cäŋ ɛmɔ wä yɛn i̱, “La̱rɛ Kuoth Nhial tɛ̈th lɔaac, kä palɛ jɛ kɛ ciötdɛ, kä jakni min cɛ la̱t kä ŋa̱ckɛ ɛ döör, kä latdɛ jɛ ɛn ɣöö di̱t ni jɛn.

⁵ “Puanyɛ Kuoth Nhial kɛ diit, kɛ ɣöö cɛ ti di̱t la̱t, ɛ wi̱c muɔ̱ɔ̱n ŋäc jɛ kɛɛliw kɛn tin cɛ la̱t.

⁶ Rɔalɛ kɛ̈tdɛ diit tɛthkä lɔaac lö yɛn ji̱ Dha-yɔn, kɛ ɣöö te Kɛl I-thɛ-rɛl in Rɛl Gɔɔydɛ rɔ rɛydun.”