Ɣöth 5 - RUAC KUƆTH IN RƐL RƆ

Muthɛ kɛnɛ Ä-ron nhiam kua̱r I-jëp

¹ Kɛ kɔrɛ, cu Muthɛ kɛnɛ Ä-ron wä kä Pɛro, cukɛ wee i̱, “Ci Kuoth Nhial Kuoth Ji̱ I-thɛ-rɛl wee i̱, ‘A nɛɛkä wä kɛ ɣöö bikɛ mi̱eth ti̱mä wä la̱t kɛ kui̱dä dɔɔr.’ ”

² Cu Pɛro wee i̱, “Ɛŋa ɛn Kuoth Nhial mi bä ruacdɛ liŋ a bä Ji̱ I-thɛ-rɛl jak kä wä? Ɣän kuecä mi cɔal i̱ Kuoth Nhial, kä bä gul cak pën ni kɛn ji̱ I-thɛ-rɛl wä bä.”

³ Cu Muthɛ kɛnɛ Ä-ron jɛ jiök i̱, “Kɔn cakɔ ruac kɛ Kuoth Ji̱ Ɣi-bɛ-ru, kɔn la̱ŋkɔ ni ji̱, jakni kɔ kä wä rɛy dɔaar kɛ ja̱l ni̱ni da̱ŋ diɔ̱k, bakɔ Kuoth Nhial wä pal kɛ ŋɔaani, bɛ ŋɔa̱a̱ŋ bɛ kɔ yi̱k nöŋ jua̱th kɛnɛ ko̱o̱ri.”

⁴ Cu kuäär I-jëp in di̱i̱t kɛ jiök i̱, “Muthɛ yɛnɛ Ä-ron, ɛŋu mɔ ka̱mɛ naath raar lätnikiɛn ɔ? Luɔcɛ lätnikun tɔ̱ di̱t tɔ̱tɔ̱.”

⁵ Kä cu Pɛro kɛ jiök i̱, “Nɛ̈nɛ jɛ, ci ji̱ I-thɛ-rɛl ŋuan muun ɛmɛ, kä cu yɛn kɛ lɛni jɛn lɔ̱ŋ lätnikiɛn.”

⁶ Niɛ cäŋ ɛmɔ, cu Pɛro kua̱r lätni ti kue̱ny kue̱e̱ny kɛnɛ kua̱r wec lätni guɔk i̱,

⁷ “/Cia naath bi lɛ nyɔk kɛ muɔ̱c mun mi ca jɔl kɛ nyiöp ala la̱tdiɛn ce̱t min wen. Akɛ wa nyondiɛn a duɔlkɛ ɛ kɛn kärɔ̱.

⁸ Kä /cuɔrɛ pe̱k tuɔpni tin la ta̱thkɛ ɛ kɛn ni wen gäm, kɛ ɣöö ci nyɔɔp kɛ käp, ɛ jɛn wiee kɛ kɛ i̱ ‘A kɔ wakɔ Kuothda näk kä luuri?’

⁹ Kɛn wutni tɔ̱tɔ̱ ɛ kɛ ba moc la̱t mi di̱i̱t, ɛ jɛn bi wuɔ̱thkiɛn cu ruec lät ɔ, /cikɛ bi lɛ käp ni laat nɛɛni tin mɛ̈tkɛ kɛ.”

¹⁰ Ɛn wa̱nɛ mɔ, cu kua̱r lätni tin kue̱ny kue̱e̱ny kɛnɛ kua̱r wec lätni wä kä cukɛ naath wä jiök i̱, “Ci Pɛro ɛ lar i̱, ‘Ɣän /cä yɛ bi lɛ nyɔk kɛ mi ka̱mä yɛ nyon.

¹¹ Wiaa, yɛn pua̱nykun kä no̱o̱ŋɛ nyondun guäthdun ɔ ŋa̱cɛ mɔ, kä /ca pe̱k in la ta̱thɛ bi moc gäm.’ ”

¹² Ɛ jɛn cu nɛy diaal ku däk rɛy wec I-jëp kɛɛliw, wa thuɔ̱ɔ̱m rɔɔny go̱r ti ba ben tääth ni tuɔpni.

¹³ Cu kua̱r lätni tin kue̱ny kue̱e̱ny wee kɛ mi kuɔk kɛ naath thi̱n. Kä la jiökɛ naath i̱, “Thuɔ̱kɛ la̱t in la la̱tdɛ ciɛŋä ce̱tnikɛ ta̱a̱ in wen, mëë la tia̱ kɛ nyon.”

¹⁴ Kua̱r wec lätni kä ji̱ I-thɛ-rɛl tin ca la̱th wi̱i̱ la̱t ɛ kua̱r Pɛro, cukɛ kɛ la dua̱ckɛ kä ba kɛ thiëc i̱, “Ɛŋu pan kiɛ wa̱lɛ mi, mɔ /ken yɛn pe̱k tuɔpni tin la la̱tdɛ la̱t kɛɛliw ɔ ce̱tkɛ ta̱a̱dun in wen?”

Go̱o̱nyni bööthni ji̱ I-thɛ-rɛl

¹⁵ Ɛ jɛn, cu kua̱r wec lätni kä ji̱ I-thɛ-rɛl tin ca la̱th wi̱i̱ la̱t ben wiee nhiam Pɛro, cukɛ wee i̱, “Ɛŋu mɔ lätdi kɔn ja̱a̱ŋku i̱ nɔ mɔ?

¹⁶ Thilɛ nyon mi la ka̱mkɛ ja̱a̱ŋku, kä bikɛ ŋot ni kɛ mi jiök kɛ kɔ i̱, ‘La̱tdɛ tuɔpni,’ kä nɛn ɛ, kɛn ja̱a̱ŋku la dua̱ckɛ kɛ kä te duer ni kui̱c nɛɛniku.”

¹⁷ Kä cuɛ kɛ jiök i̱, “Thilɛ mi la̱tdɛ yɛn thilɛ mi la̱tdɛ. Ɛ jɛn mɔ la laar ɛ jɛ mɔ i̱, ‘Bakɔ Kuoth Nhial wä na̱k luuri.’

¹⁸ Kɛ kui̱ ɛmɔ, luɔcɛ thär lätnikun niɛ täämɛ, kä thilɛ nyon mi ba ka̱m yɛ, kä bia ŋot kɛ mi no̱o̱ŋɛ ni pe̱k tuɔpni tin wen.”

¹⁹ Cu kua̱r wec lätni kä ji̱ I-thɛ-rɛl ɛ nɛn i̱ ŋotkɛ rɛy rikä mi jiääk kɛ min ca jɛ la̱r kɛ i̱, “Bikɛ dhil no̱o̱ŋ ni pe̱k tuɔpni tin la la̱tkɛ ni ciaŋ.”

²⁰ Mëë cikɛ jiɛn nhiam Pɛro, cukɛ röm kɛ Muthɛ kɛnɛ Ä-ron tëë liɛpkɛ bendiɛn jɔk nhiam Pɛro.

²¹ Cukɛ kɛ jiök i̱, “Bi Kuoth Kamdan guic, bɛ mɔ te thi̱n ɔ luk, kɛ ɣöö cia kɔ ya̱r nhiam Pɛro kɛnɛ kua̱r kɔaarɛ, kä kɛ yɛn jakɛ kɛ kä na̱kɛ kɔ tɔ̱.”

Go̱o̱ny Muthɛ kä Kuoth Nhial

²² Cu Muthɛ wä nhiam Kuɔth Nhial kä cuɛ jɛ jiök i̱, “Aɣ Kuäär, ɛŋu mɔ lätdi nɛy ti̱ti̱ a jiäk ɔ?

²³ Ɛŋu jäki ɣä kɛ jɛ mɔ, kɛ ɣöö ni mëë kua̱ ben ruac nhiam Pɛro kɛ ciötdu, jɛn cɛ nɛy ti̱ti̱ la̱t a jiäk, kä ji̱n puɔ̱nydu thilɛ mi nyäki kɛ lätni kɛ käm nɛɛniku raar.”