Ɣöth 11 - RUAC KUƆTH IN RƐL RƆ

Lär Muthɛ kɛ lia̱a̱ keyni

¹ Täämɛ, cu Kuoth Nhial Muthɛ cu jiök i̱, “Ŋot riɛk kɛl mi bä nöŋ Pɛro kɛnɛ ji̱ I-jëp, kɛ kɔrɛ bɛ yɛ jak kä wä. Kä bɛ yɛ tuɔ̱k raar kä kɛɛl.

² Ruacni a liŋ naath ɛ, i̱ a wutni diaal, kɛnɛ män diaal akɛ thieckɛ ji̱ thieekädiɛn kɛ kuat kiɛ tiil cikä kɛnɛ da̱a̱p.”

³ Kä cu Kuoth Nhial naath jak kä luɔ̱thkɛ ɛ ji̱ I-jëp. Kä Muthɛ puɔ̱nydɛ cuɛ tekɛ luth mi di̱i̱t kä I-jëp, kä la̱a̱t Pɛro amäni nɛɛkɛ diaal.

⁴ Cu Muthɛ wee i̱, “Ci Kuoth Nhial ɛ lar i̱, ‘Kɛ wädä ɣän bä rët kɛ I-jëp.

⁵ Bi key diaal muun I-jëp li̱w. Bɛ tok ni kɛ kɛ̱̈ɛ̱̈ Pɛro in la kuäär, amäni kɛ̱̈ɛ̱̈ nyaam in lätkɛ kɛɛl, min la gua̱r, amäni key ɣɔ̱ɔ̱k.

⁶ Bɛ tekɛ lul mi /ka̱n me̱t nɛn kä /ca bi me̱t nyɔk kɛ nën ro̱o̱l I-jëp kɛɛliw.

⁷ Kä thilɛ mi bi ben kä ji̱ I-thɛ-rɛl a cäŋɛ raan kiɛ le̱y, kiɛ jio̱k, /cɛ bi guee kɛ kɛ.’ Kɛ ɣöö bia cu ŋa̱c i̱ Kuoth Nhial bɛ tekɛ dääk kamä ji̱ I-jëp kɛnɛ ji̱ I-thɛ-rɛl.

⁸ Kä la̱a̱tku diaal ti̱ti̱ bikɛ ben ni nhiamdä, ba rɔ̱ ben goŋ ni nhiamdä, bikɛ jɛ a laar i̱, ‘Wër yɛnɛ nɛɛku tɔ̱ guɔ̱ɔ̱r ji̱ tɔ̱.’ Kɛ kɔrɛ ɣän bä wä ɛpuc.” Cuɛ jiɛn nhiam Pɛro kɛ waŋ lɔaac mi di̱i̱t.

⁹ Cu Kuoth Nhial Muthɛ jiök i̱, “/Ci Pɛro ruacdu bi liŋ, kɛ ɣöö bä lätkä ti ga̱ykɛ naath ti ŋuan nyoth rɛy rööl I-jëp ɛmɛ.”

¹⁰ Cu Muthɛ kɛnɛ Ä-ron lät tɔ̱tɔ̱ tin ga̱ykɛ naath la̱t nhiam Pɛro, kä cu Kuoth Nhial lɔc Pɛro jak kä bum, /kenɛ ji̱ I-thɛ-rɛl jak kä jiɛy muundɛ.