Ɣocä 7 - RUAC KUƆTH IN RƐL RƆ

¹ Gua̱a̱th in wa̱a̱ I-thɛ-rɛl jak kä gɔaa, kä jɔc kɛ nyuɔn Ɛ-pa-rim, kɛnɛ dueer Tha-mɛ-ria. Kɛ ɣöö la̱tkɛ ti /ca rɔ lot, tölkɛ ni dho̱r nath kɛ kuël, mackɛ naath duɔ̱pni.

² Duundɛ ɣöö /ci kɛnɛ car i̱ ŋa̱cä lätkiɛn diaal tin jiäk, dueerkiɛn tin ci kɛ go̱l tekɛ nhiamdä ni ciaŋ.

Ca̱p mi jiääk kɛ kui̱ kua̱r

³ Kɛ dueerkiɛn, jakɛ kuäär kä tɛth lɔcdɛ, kä kɛ ka̱a̱cnikiɛn jakɛ lo̱c bööthni kä tɛth.

⁴ Kä kɛn diaal dhööm, ce̱t ta̱a̱diɛn nikɛ lëth maac tha̱t mi, ci thäätdɛ jɛ tɔ̱a̱ŋ kam in ŋinɛ wacdɛ.

⁵ Kä kɛ cäŋ ti̱mä kua̱ra, bɛ bööth moc juey kɛ lëth kɔŋä, kä cɛ rɔ cu mat kɛ nɛy tin dɔ̱a̱kɛ naath.

⁶ Kä kɛ göriɛn kɛ la̱t kä mi jiäk, ce̱t lo̱ckiɛn nikɛ mac tha̱t, kä kɛ kɛ̈c la tol lo̱ckiɛn kɛ wäär kɛɛliw. Kä kɛ runwaŋ thia̱y lo̱ckiɛn ce̱tnikɛ mac mi ca thiany.

⁷ Kɛ di̱t lo̱cnikiɛn ca bööthkiɛn näk, kä ci kua̱rkiɛn diaal cu pɛ̈ɛ̈n, cɛ cu thil ram mi thieec ɣä kɛ la̱ŋ.

Ji̱ I-thɛ-rɛl kɛnɛ döör

⁸ Ɛ-pa-rim matdɛ rɔ kä nɛy kɔ̱kiɛn, ce̱tdɛ nikɛ juray mi /kän tha̱a̱ŋdɛ tuak.

⁹ A kui̱cɛ jɛ ɛn ɣöö ca buɔ̱mdɛ cam ɛ jur ti kɔ̱ŋ, ci wi̱cdɛ low, kä /cɛ dee me̱t ŋa̱c.

¹⁰ A ca ji̱ I-thɛ-rɛl cu gɔany ɛ liakdiɛn. Kä lo̱k kɛn luny kä Kuoth Nhial Kuothdiɛn, kä /ca ɣä go̱r kɛ ti ci tuɔɔk ti.

¹¹ A ci Ɛ-pa-rim cu ce̱tnikɛ guuk, mi dɔ̱a̱r mi thil ca̱r, cɔlɛ ni I-jëp, kä ri̱tdɛ ni rɔ kä A-thi-ri-ya.

¹² Bä cambakdä yuɔr wi̱cdiɛn mi wä kɛ wä jiɛn, bäkɛ cu ka̱p piny ce̱tnikɛ diit, kä bäkɛ cu duäc kɛ dueerkiɛn.

¹³ Riɛk akɛ kɛ, kɛ ɣöö ca rɔ riaw dɔɔr kä ɣä! Da̱k akɛ kɛ, kɛ ɣöö ca ɣä tër tɛr! Ɛ ɣän i̱ dëë kɛ kän, duundɛ ɣöö cikɛ ɣä ka̱c kac.

¹⁴ /Ci kɛn ɣä pal kɛ lo̱ckiɛn pa̱ny, wiee ni kɛn dha̱a̱ŋnikiɛn. Kɛ kui̱ bɛɛl kɛnɛ kɔaŋ tëmkɛ rɔ, kä cikɛ rɔ riet ɣä.

¹⁵ A cäŋ ni min cä kɛ jak kä bum kä cä kɛ nyuɔ̱th, ŋotkɛ, cäp kɛn ɣä kä mi jiääk.

¹⁶ Rietkɛ rɔ ni Baal, ce̱t ta̱a̱diɛn nikɛ baar mi jiääk, kä kɛ lëëpkiɛn ti jiäk, bi bööthkiɛn li̱w ni ko̱o̱r. Kä inɔ ba kɛ cu dɔl rɛy rööl I-jëp.