Ɣocä 5 - RUAC KUƆTH IN RƐL RƆ

¹ Liɛŋɛ nɛmɛ, yɛn bööth palä Kuɔth, ka̱mɛ jɛ tiit agɔaa yɛn ji̱ dhɔaar I-thɛ-rɛl, kä pa̱lɛ ji̱thkun piny yɛn kua̱r, kɛ ɣöö ba yɛ luk, ce̱t yɛn nikɛ dhuur kä Midh-pa, kɛnɛ cambak mi ca yuɔr wi̱i̱ pa̱a̱m Ta-bor.

² Kä cia nhɔk ni luuri Ci-tim, duundɛ ni ɣöö bäkɛ duäc kɛn diaal.

³ Ɣän ŋa̱cä Ɛ-pa-rim, kä /ci I-thɛ-rɛl rɔ dee tɛ̱̈ɛ̱̈ kɛ ɣä, kä yɛn ji̱ Ɛ-pa-rim cia leer la̱t, cɛ wi̱c I-thɛ-rɛl nyon bä.

⁴ Kä /ci ciɛŋkiɛn kɛ dee nhök ɣöö dee kɛ rɔ riet Kuothdiɛn, te ni leer rɛydiɛn. A /ca Kuoth kui̱c ɛ kɛn.

Luek Ɣocä kɛ kui̱ palä kuthni guäyni

⁵ A /ca ji̱ I-thɛ-rɛl cu gɔany ɛ liakdiɛn. Ci ji̱ Ɛ-pa-rim cu riɛk kɛ dueerkiɛn, a cu ji̱ Juda cu duer kɛɛl kɛ kɛ.

⁶ Cäŋ wäkɛ wä jiɛɛn kɛ detkiɛn nikɛ ɣɔ̱ɔ̱kiɛn i̱ waa Kuoth Nhial go̱r, /ci kɛn ɛ bi jëk, kɛ ɣöö cɛ jiɛɛn rɛydiɛn.

⁷ Kɛ nɛy ti thil ŋa̱th kɛ Kuoth Nhial, kɛ ɣöö cikɛ dap ni gaat läkä. Niɛ täämɛ bi tëth path ti̱mädiɛn kɛ däk kɛɛl kɛ ka̱a̱kiɛn.

Ko̱r kam Juda kɛnɛ I-thɛ-rɛl

⁸ Kuɔth ɛ kaaŋ köör kä Giba, kɛnɛ Rama. Kökɛ ko̱r kä Beth-a-wɛn, kä wër köör ji̱n Ben-ya-min!

⁹ Ɛ-pa-rim ba däk cäŋ duäcä rɛy gan I-thɛ-rɛl latdä thuɔ̱k.

¹⁰ Ci bööth Juda ce̱tnikɛ nɛy ti wuɔckɛ ti̱i̱tni piɛny, akɛ kɛn nɛy tin bä ŋɛ̈ɛ̈nydä ku wuɔc wi̱i̱diɛn ce̱tkɛ pi̱.

¹¹ Ca Ɛ-pa-rim joc kɛ luk, kɛ ɣöö nhɔkɛ ni guur guäyni.

¹² Kɛ kui̱ ɛmɔ bä ce̱tnikɛ ŋiɛc kɛ Ɛ-pa-rim, kä bä ce̱tnikɛ tor dhɔɔr Juda.

¹³ Kä cäŋ ëë ci Ɛ-pa-rim jueydɛ ŋa̱c kä ci Juda buɔ̱tdɛ nɛn, ci Ɛ-pa-rim wi̱cdɛ luɔc kä A-thi-ri-ya jäkɛ kuäär in diit kä raan go̱rɛ luäk. Ɛ ni ɣöö /cɛ buɔ̱tdu kiɛ jueydu dee jak kä gɔaa.

¹⁴ Kä bä cu ce̱tkɛ lony kɛ Ɛ-pa-rim, kä bä ce̱tkɛ ruath luɔny kɛ dhɔr Juda. Bäkɛ rɛt kä bäkɛ naŋ dɔɔr, a thilɛ mi bikɛ kän.

¹⁵ Bä cu loc ni gua̱a̱thdä, amäni mi ci kɛn dueerkiɛn ŋa̱c, kä go̱o̱r kɛn ɣä, kɛ bɛ̈cdiɛn.