Ɣocä 4 - RUAC KUƆTH IN RƐL RƆ

Gööny Kuɔth kɛ ji̱ I-thɛ-rɛl

¹ Liŋɛ ruac Kuɔth Nhial, lö yɛn ji̱ I-thɛ-rɛl. Jɛn tëë kɛ luk kɛ yɛ. Kɛ ɣöö thilɛ ŋa̱th, kɛ mal kɛ ŋäc kɛ kui̱ Kuɔth wi̱i̱ muɔ̱ɔ̱n.

² Teni kuëth kɛnɛ kac kɛ näk kɛ kuel thi̱n, ciɛŋ dho̱m thilɛ mi käpkɛ cuɔ̱ŋ, kä nyackɛ lia̱a̱ kɛ lia̱a̱.

³ Kɛ kui̱c ɛmɔ wi̱c muɔ̱ɔ̱n bɛ tekɛ jiath lɔaac, kä bi tin diaal tin cieŋ thi̱n riaw, ley dɔaar, diit, amäni rɛc yieer bä bikɛ riaw.

Gööny Kuɔth kɛ bööth palä

⁴ Duundɛ ɣöö a thil ram mi luk radɔ̱diɛn, kä a thil ram mi gɔɔny ram mi dɔ̱ŋ. Kɛ ɣöö te lukdä kɛ yɛn bööth palä Kuɔth.

⁵ Kɛ ɣöö bia latdɛ ni dueer kɛ cäŋdäär, amäni gök bä duerɛ kɛɛl kɛ yɛ kɛ wäär. Kɛ kui̱c ɛmɔ bä muɔɔr ni I-thɛ-rɛl cu riaw bä.

⁶ Ci nɛɛkä cu riaw kɛ kui̱c ŋäcä ŋɔaani, kɛ kui̱c ɛmɔ bä ji̱ lo̱k, /ci bia̱ bööth palädä. Kɛ ɣöö ci ŋäc lo̱k. Kä kɛ ɣöö ci ŋuɔ̱t Kuɔthdu pa̱l rueec, ɣän bä gaatku pa̱l rueec bä.

⁷ Kä gua̱a̱th ɛ cikɛ rɔ̱ rep ɔ. Ɛ jɛn gua̱a̱th in kua ɣä lät kä dueer ti ŋuan, kɛ kui̱c ɛmɔ bä wuɔ̱tdiɛn jak kä pöcdiɛn.

⁸ Kä bi ria̱ŋdiɛn cua̱ dueer nɛɛnikä, kä ba rɔ cu rɔam jiäknikiɛn.

⁹ Kä inɔ ɛ jɛn ta̱a̱ in bi tekɛ naath amäni bööth palä bä. Bäkɛ duäc kɛ kui̱ lätnikiɛn. Kä bäkɛ ciɛŋ ɛ jiäk kɛ kui̱ ciɛŋnikiɛn ti jiäk.

¹⁰ Kɛ ɣöö ca Kuoth ba̱ny piny ɛ kɛn, bikɛ mi̱th kä /cikɛ bi ria̱ŋ, bikɛ kɛ pal kä /ca rɔ bi rep.

Lo̱k Kuɔth kɛ pal kuthni guäyni

¹¹ Ci yɔ̱ŋ kɔŋä wi̱cdiɛn bath.

¹² Ala cua thieckɛ ni jiath ɛ kɛn kɛ nyuuth, kä bi kɛɛt ɛ cu la̱r kɛ, kɛ ɣöö ci ciɛŋ leerä kɛ bath, a ca Kuoth cu pa̱l rueec, kɛ ciɛŋ leerä.

¹³ Ɛn täämɛ kɛn waa luurikiɛn thöp tɔ̱ ni wuɔ̱thni päämni. Kä waŋkɛ dɛy wal thäri päämni kɛnɛ thär jiɛn tin tëë ti̱eepni ti gɔw. Kɛ kui̱c ɛmɔ nyieeku la̱t kɛ leer, kä mänku tin kath dho̱mkɛ.

¹⁴ A /cä mänku tin kath kɛnɛ nyieeku bi luk mi wäkɛ wä dhɔm kiɛ leer, kɛ ɣöö kɛn wutni pua̱nykiɛn ca rɔ̱ mat leerä, a lɛ̈ykɛ rɔ go̱lä kɛɛl kɛ ria̱r guäth palikiɛn, kä nɛy tin thilɛ mi ŋa̱ckɛ ba kɛ riaw.

¹⁵ /Cuarɛ Juda lɛn buath dui̱rä yɛn ji̱ I-thɛ-rɛl kɛ leerun. Kä /cuarɛ wä kä Gil-gal, kiɛ Beth-a-wɛn kä /cuarɛ rɔ yac i̱, “Ce̱tkɛ mɔ te Kuoth Nhial ɔ.”

¹⁶ Kɛ ɣöö bum wi̱c I-thɛ-rɛl, päärɛ nikɛ nac mi /ken kayŋua̱a̱k, kɛn ta̱a̱ ɛmɔ dee Kuoth Nhial kɛ ku lɛ mi̱eth ce̱tkɛ dɔdɛ̈ɛ̈l rɛy tɔ̱ɔ̱rä i̱di?

¹⁷ Ji̱ Ɛ-pa-rim ca nhɔk ni kuth jiɛn, pa̱lɛ kɛ.

¹⁸ Kɛ buɔ̱n yɔ̱ŋä kɔaŋ ti ca rɔ̱ ka̱m ni lëër, nhɔk kɛn ni ciaŋ po̱cä kä gɔykiɛn.

¹⁹ Ci jiɔam kɛ thuŋ lɔk kɛ puɔ̱tdɛ, kä bi yi̱knikiɛn kɛ cu jak kä po̱c.