Ɣocä 3 - RUAC KUƆTH IN RƐL RƆ

Maar Ɣocä kɛnɛ ciekdɛ

¹ Kä cu Kuoth Nhial Ɣocä jiök i̱, “Wër nyɔk ciekdu kɛ mi nhɔki jɛ, cäŋ ni mɔ nhɔkɛ nɛy kɔ̱kiɛn ɔ, kä ɛ ler. Nhɔk ɛ ce̱tkɛ mɔ nhɔakä ji̱ I-thɛ-rɛl ɔ, kä guɔ̱ɔ̱rkɛ ni kuth ti guäy, kä käm kɛn nikɛ luurikiɛn.”

² Cua̱ ciekdä nyɔk kɛ kök kɛ yio̱w da̱ŋ wäl dhieec, kɛ cuali bɛɛl da̱ŋ diɔ̱k.

³ Kä cua̱ jɛ jiök i̱, “Bi cieŋ ala ciekdä kɛ ni̱n ti ŋuan, kä /ci rɔ bi nyɔk kɛ leer kɛ wut dɔ̱diɛn, kä bä cieŋ ala cɔwdu.”

⁴ Kɛ ɣöö ji̱ I-thɛ-rɛl bikɛ cieŋ a thil bööth kiɛ kuäär kɛ pëk mi baar, kä bikɛ thil luuri kiɛ yi̱kni kiɛ nyin palä ti kɔ̱kiɛn.

⁵ Kä kɛ kɔrɛ bi ji̱ I-thɛ-rɛl rɔ̱ ku riet Kuoth Nhial in la Kuothdiɛn, kä ba Dee-bid kuääriɛn guɔ̱r ɛ kɛn. Kä bikɛ cu ben kä Kuoth Nhial kɛ luth mi di̱i̱t kɛ kui̱ puthädɛ cäŋ guutdä ɣɔaa.