Ɣocä 2 - RUAC KUƆTH IN RƐL RƆ

¹ Läri jɛ gaat muɔɔr, “Nɛɛkä,” kɛnɛ nyiemuɔɔr, “Nyanhök.”

Thil ŋäthä I-thɛ-rɛl ce̱tkɛ Go-mɛr

² Yɛn, “La̱ŋɛ muɔɔrun, la̱ŋɛ jɛ, kɛ ɣöö /ciɛ ciekdä, kä /cä la cɔwdɛ. Kɛ ɣöö bɛ leer päl a bɛ thuuk lɔcdɛ.

³ Bɛ ŋɔa̱a̱ŋ a bä jak kä tëë juutdä, ce̱tnikɛ ni̱n tëë dapkɛ ni jɛ, ɛ bɛ ce̱tnikɛ där dɔaar, mi day mi thil juaac, kä bä jɛ cu näk ɛ rɛw.

⁴ Kä gaatkɛ, /ca nhökdä bi jëk, kɛ ɣöö kɛ gaat leerä.

⁵ Ti tɔ̱ mandiɛn mɔ ler, a cuɛ kɛ cu ruët ni po̱cä. Kä cuɛ wee i̱, ‘A guɔ̱rä nhöökä tin ba ɣä moc mi̱th kɛnɛ pi̱, kɛ bieynikä, amäni kɔaaŋdä kɛnɛ liɛɛthdä.’

⁶ Kɛ kui̱c ɛmɔ bä duɔ̱ɔ̱pdɛ rɛ̈k kɛ kuiy, kä bä päny täth nhiamdɛ kɛ ɣöö /cɛ duɔ̱ɔ̱p mi bi wä kɛ jɛ bi lɛ jëk.

⁷ Jɛn bɛ nhöökɛ guɔ̱ɔ̱r, duundɛ ɣöö /cɛ kɛ bi cop, bɛ kɛ go̱r kä /cɛ kɛ bi jëk. Kä bɛ cu wee i̱, ‘Ŋuäni ɣöö bä loc kä cɔwdä mëë nhiam, ŋua̱ni ni jɛn kä ta̱a̱ ɛmɛ!’

⁸ Kɛ ɣöö kui̱cɛ jɛ i̱ ɛ ɣän käm ɛ bɛl kɛ kɔaŋ kɛ liɛth kɛɛl, amäni ciik, da̱a̱p kɛnɛ ciɛk in ciɛk in bo̱r. Tin ci kɛn kɛ riaw kɛ Baal.

⁹ Kɛ kui̱c ɛmɔ, bä bɛɛlkä kɛ kɔaŋdä luɔc jɔk kä jɛ guäth in ŋɛ̈rkɛ ni bɛl, kä bä bieynikä tin la kumɛ ni rɔɔdɛ ka̱n kä jɛ.

¹⁰ A niɛ täämɛ pa̱ny bä luɔny juutdä nhiam nhööknikɛ, kɛ ɣöö thilɛ ram mi bi jɛ kän te̱tkädä.

¹¹ Ni̱nɔ, bä tɛ̈th lɔaacdɛ jak kä thil, ti̱mä tukä päthnikɛ, cäŋ lɔ̱ŋädɛ, ni̱ni ti̱mädɛ diaal tin ca mɛk.

¹² Kä bua̱c kɛnɛ jiɛn ŋɔa̱a̱p, tin larɛ i̱ ‘Kɛ köökɛ ti ca ka̱m jɛ ɛ nhöökɛ.’ Ɣän bäkɛ jak kä rup, kä ba kɛ cam ɛ ley dɔaar.

¹³ Kä bä duäc cäŋ in wëë Baal wä pal, kä thöpɛ jɛ muc, kä citdɛ rɔ kɛ kuak pua̱a̱nydɛ tin gɔw, da̱a̱pni kɛ warkëtnikɛ, a cɛ ɣä ku pa̱l rueec, wee guurɛ nhöökɛ.”

Nhök Kuɔth kɛ nɛɛkɛ

¹⁴ “Kɛ ɣöö nɔ bä jɛ pël rɔ, kä bä jɛ naŋ rɛy dɔaar bä cu ruac kɛ jɛ ni nho̱kä.

¹⁵ Ɛn wa̱nɔ bä jɛ cu luɔ̱c ka̱a̱k walkɛ kɛ kui̱ kɔaŋ, kä bä Lo̱o̱l A-kor cu jak kä duɔ̱ɔ̱p ŋäthä. Kä niɛ guäth ɔ bɛ cu luɔc ce̱tnikɛ ni̱n ŋuɛɛtädɛ, ce̱tnikɛ gua̱a̱th ëë bäkɛ jɛ raar rɛy rööl I-jëp.”

¹⁶ Cu Kuoth Nhial wee i̱, “Ɛn cäŋ ɛmɔ, bi ɣä cɔl i̱, ‘Cɔwdä.’ Kä /ci ɣä bi nyɔk kɛ ciöt i̱, ‘Baal.’

¹⁷ Kɛ ɣöö bä ciöt ni Baal woc thokdɛ, a /cɛ jɛ bi nyɔk kɛ lär.

¹⁸ Ɛn cäŋ ɛmɔ bä kamdu moc guk yɛnɛ ley dɔaar kɛ diit, amäni muɔɔl piɛny bä. Kä bä mut cu woc wi̱i̱ muɔ̱ɔ̱n. Kä bia cu niɛn kɛ mal.

¹⁹ Kä bi cua̱ ciekdä mi /cä nyuak kɛ raan amäni cäŋ kɛl. Bä ji̱ mëk rɔ kɛ cuɔ̱ɔ̱ŋ kɛnɛ päl ikä kɛ nhök mi thil pëk,

²⁰ amäni ŋa̱th kä bi Kuoth Nhial cu ŋa̱c.”

²¹ Kuoth Nhial laarɛ jɛ, “Ɛn cäŋ ɛmɔ, bä nhial loc, kä bi nhial piny loc,

²² kä bi piny wal diaal cu jak kä do̱ny, bi bɛl kɛ kɔaŋ kɛ liɛth cu te wa̱nɔ, ala nyin Yidh-rɛɛl.

²³ Kä bä Yidh-rɛɛl cu pi̱eth rɔ wi̱i̱ muɔ̱ɔ̱n, kä bä löökä cɔl i̱ nhöökä. Kä tin /ci tɔ̱a̱ Nɛɛkä cu cɔl i̱ Nɛɛkä, kä bɛ ɣä cu cɔl i̱, ‘Kuothdä.’ ”