Tuk Cäkä Ɣɔaa 36 - RUAC KUƆTH IN RƐL RƆ

Gaat E-thɔ

¹ Ti̱ti̱ kɛ gaat E-thɔ (min la Ɛ-dɔm).

² E-thɔ cɛ kuɛɛn kɛ nyi̱er rööl Kɛ-naan, Adha nya wutdä mi cɔal i̱ Ee-lon mi la raan Ɣɛ̈th, kɛ Ɔ-li-ba-ma nya wutdä mi cɔal i̱ Ä-na gat Dhi-bɔn min la raan Iwi,

³ kɛ Ba-thɛ-math nya I-ca-mel, nyiman Nɛ-ba-yɔth.

⁴ Cu Adha Ɛ-li-padh da̱p E-thɔ, kä cu Ba-thɛ-math Rɛ-u-el dap.

⁵ Cu Ɔ-li-ba-ma Yuc dap, kɛnɛ Ya-lam kɛ Kora. Tɔ̱tɔ̱ kɛ gaat tëë ca da̱p E-thɔ kä Kɛ-naan.

⁶ Täämɛ cu E-thɔ mänkɛ cu naŋ kɛ gaatkɛ kɛnɛ nyieekɛ, kɛ ji̱ dhɔaarɛ diaal, detkɛ, kɛ ɣɔ̱ɔ̱kɛ kɛnɛ kuakɛ diaal tëë cɛ jëk rɔ kä Kɛ-naan kä cuɛ ɣo̱th ro̱o̱l mi na̱n kɛ däman ni Je-kɔb,

⁷ kɛ ɣöö ci ŋɔakiɛn ŋuan ɛlɔ̱ŋ, kä /ci dhɔr in tekɛ thi̱n dëë ro̱ŋ kɛ kɛn da̱ŋ rɛw kɛɛl, kɛ ɣöö ŋuan ɣɔ̱ɔ̱kiɛn.

⁸ E-thɔ (min la Ɛ-dɔm) cuɛ ciɛŋ ni dhɔr päämni min cɔal i̱ ro̱l päämni Ɛ-dɔm.

⁹ Ti̱ti̱ kɛ kɛn gaat E-thɔ min la gua̱ndɔɔŋ ji̱ Ɛ-dɔm, ëë la cieŋ ni dhɔr päämni min cɔal i̱ ro̱o̱l päämni Ɛ-dɔm.

¹⁰ Cu E-thɔ kɛnɛ ciekdɛ ni Adha Ɛ-li-padh di̱eth kä cu E-thɔ kɛnɛ ciekdɛ ni Ba-thɛ-math Rɛ-u-el lɛni di̱eth.

¹¹ Kä cu Ɛ-li-padh Te-man di̱eth kɛ O-mar kɛ Dhɛpo kɛ Ga-tam kɛnɛ Kɛ-nadh.

¹² Kä jɛn Ɛ-li-padh kɛnɛ luɔmdɛ mi cɔal i̱ Tim-nä cukɛ Ä-ma-lek di̱eth cu tɔ̱tɔ̱ a gaat gan E-thɔ kɛnɛ ciekdɛ ni Adha.

¹³ Kä cu Rɛ-u-el Na-ɣath di̱eth kɛ Dhɛra kɛ Cama kɛnɛ Midha, cu tɔ̱tɔ̱ a gaat gan E-thɔ kɛnɛ ciekdɛ ni Ba-thɛ-math.

¹⁴ Kä cu E-thɔ kɛnɛ nya Ä-na gat Dhi-bɔn ni Ɔ-li-ba-ma Yuc di̱eth kɛ Ya-lam kɛnɛ Kora.

¹⁵ Ti̱ti̱ kɛ kɛn gaat E-thɔ tëë tɔ̱ kua̱r rɛy rööl Ɛ-dɔm. Gaat Ɛ-li-padh min mɔ kɛ̱̈ɛ̱̈ E-thɔ kä kɛnɛ ciekdɛ ni Adha kɛ kɛn Te-man kɛ O-mar kɛ Dhɛpo kɛ Kɛ-nadh,

¹⁶ kɛ Kora kɛnɛ Ga-tam kɛ Ä-ma-lek. Cukɛ a kɛn kua̱r kä gaat Ɛ-li-padh ro̱o̱l Ɛ-dɔm, kɛn kɛ gaat gan Adha.

¹⁷ Kä cu gaat Rɛ-u-el min mɔ gat E-thɔ kä kɛnɛ ciekdɛ ni Ba-thɛ-math a Na-ɣath kɛ Dhɛra kɛ Cama kɛnɛ Midha. Cukɛ a kɛn kua̱r kä gaat Rɛ-wɛl ro̱o̱l Ɛ-dɔm, kɛn kɛ gaat gan Ba-thɛ-math ciek E-thɔ.

¹⁸ Kä cu ti̱ti̱ a gaat E-thɔ kɛnɛ ciekdɛ ni Ɔ-li-ba-ma nya Ä-na, mɛmɛ ɛ Yuc kɛ Ya-lam kɛnɛ Kora.

¹⁹ Tɔ̱tɔ̱ kɛ gaat E-thɔ (min la Ɛ-dɔm) tëë la kua̱r rɛy gankɛ.

Gaat The-ir

²⁰ Kä gaat rööl päämni Ɛ-dɔm raan Ɣori tëë tɔ̱ di̱eel wec ɛmɔ kɛn ti̱n, gatdɛ ni Lo-tan kɛ Cɔ-bal, Dhi-bɔn kɛ Ä-na,

²¹ kɛ Di-cɔn kɛ E-dhɛr kɛnɛ Dhi-can, tɔ̱tɔ̱ kɛ kɛn kua̱r ji̱ Ɣori tëë tɔ̱ gaat rööl päämni kä Ɛ-dɔm.

²² Kä gaat Lo-tan kɛ Ɣori kɛnɛ Ɣe-man. Kä Tim-nä ɛ nyiman Lo-tan.

²³ Kä gaat Cɔ-bal ti̱n, Al-wan kɛ Ma-naath kɛ Ee-bal kɛ Cɛpo kɛnɛ O-nam.

²⁴ Kä gaat Dhi-bɔn ti̱n, Aya kɛ Ä-na. Ɛ jɛn Ä-na ɛ nëë jek lo̱o̱l pi̱i̱ni däär dɔaar guäth ëë cɛ muɔ̱li gua̱n ni Dhi-bɔn naŋ laak thi̱n.

²⁵ Gaat Ä-na ti̱n, gatdɛ ni Di-cɔn kɛnɛ nyaadɛ ni Ɔ-li-ba-ma.

²⁶ Gaat Di-cɔn ti̱n, Ɛm-dan, Ɛc-ban, Ith-ran kɛnɛ Kɛ-ran.

²⁷ Gaat E-dhɛr ti̱n, Bi-lan kɛ Dha-wan kɛnɛ Ä-kan.

²⁸ Gaat Dhi-can ɛ Udh kɛnɛ Ä-ran.

²⁹ Täämɛ ti̱ti̱ kɛ kua̱r cieeŋni ji̱ Ɣori rɛy rööl päämni Ɛ-dɔm, kuäär ni Lo-tan kɛ Cɔ-bal kɛ Dhi-bɔn kɛ Ä-na,

³⁰ kɛ Di-cɔn kɛ E-dhɛr kɛnɛ Dhi-can. Cukɛ a kɛn kua̱r ji̱ Ɣori rɛy rööl päämni Ɛ-dɔm.

Kua̱r tin di̱t kä Ɛ-dɔm

³¹ Ti̱ti̱ kɛ kua̱r tëë ci ruec kä Ɛ-dɔm guäth ëë /ke̱n ji̱ I-thɛ-rɛl ni tekɛ kua̱r tin di̱t.

³² Bɛlä mi mɔ gat wutdä mi cɔal i̱ Bɛ-or cuɛ ruëc kä Ɛ-dɔm, kä wecdɛ mëë ruaacɛ cɔalɛ i̱ Di-na-ba.

³³ Mëë ci Bɛlä li̱w cua gua̱a̱thdɛ guäl ɛ Yo-bab gat wutdä mi cɔal i̱ Dhɛra raan rööl Bɔ-dhɛ-ra.

³⁴ Cu Yo-bab li̱w kä cua gua̱a̱thdɛ guäl ɛ Ö-cam raan rööl Te-man.

³⁵ Cu Ö-cam li̱w kä cua gua̱a̱thdɛ guäl ɛ A-dad gat wutdä mi cɔal i̱ Bɛ-dhadh, mëë joc ji̱ Mid-yan kɛ ko̱r kä Mo-ab, kä wecdɛ mëë ruecɛ thi̱n cɔalkɛ jɛ i̱ Ä-with.

³⁶ Cu A-dad li̱w kä cua gua̱a̱thdɛ guäl ɛ Tham-la raan rööl Math-rɛ-ka.

³⁷ Cu Tham-la li̱w kä cua gua̱a̱thdɛ guäl ɛ Ca-ul raan wec in cɔal i̱ Rɛ-böth min te gekä kiɛɛr Yu-pɛ-ree-tidh.

³⁸ Cu Ca-ul li̱w kä cua gua̱a̱thdɛ guäl ɛ Baal-ɣa-nan gat wutdä mi cɔal i̱ Ak-bor.

³⁹ Cu Baal-ɣa-nan li̱w kä cua gua̱a̱thdɛ guäl ɛ Ɣä-dar, kä cu wecdɛ mëë ruecɛ thi̱n a Pɔ̱w. Cɔal ciöt ciekdɛ i̱ Mɛɛ-ta-bɛl, nya wutdä mi cɔal i̱ Ma-tɛ-rɛd, ɛ nya dhɔaar in cɔal i̱ Me-dhaab.

⁴⁰ Ti̱ti̱ kɛ ciööt kuayni E-thɔ tëë tɔ̱ kua̱r rɛ̈y ciëŋ, kɛ thuk duëlikiɛn kɛ dho̱rikiɛn tin ciölkɛ kɛ, kuäär Tim-nä kɛ Al-wa kɛ Yɛ-theth,

⁴¹ Ɔ-li-ba-ma kɛ Elaa kɛ Pi-nɔn

⁴² kɛ Kɛ-nadh kɛ Te-man kɛ Mib-dhar

⁴³ kɛ Ma-gi-del kɛnɛ I-ram. Tɔ̱tɔ̱ kɛ kɛn kua̱r Ɛ-dɔm dho̱rikiɛn muundiɛn ëë tekɛ thi̱n. Nɔmɔ ɛ jɛn pe̱k gan E-thɔ min la gua̱ndɔɔŋ ji̱ Ɛ-dɔm.