Ɛdhra 10 - RUAC KUƆTH IN RƐL RƆ

Lat nath kɛ dueer

¹ Kä min pal Ɛdhra kä latdɛ dueer, wieeɛ kä duäcɛ rɔ piny nhiam luaak Kuɔth. Cu buɔ̱n mi di̱i̱t wutni kɛ män kɛ gaat rɔ̱ ma̱t jɛ kä ji̱ I-thɛ-rɛl. Cukɛ wiee ɛlɔ̱ŋ.

² Kä cu Cɛ-kɛ̈n-yaa gat Yɛ-ɣi-el kä gaat Ee-lam ruac kɛ Ɛdhra wëë i̱, “Cakɔ thil luth kɛ Kuothda kɛ ɣöö ca̱kɔ kuɛɛn kɛ män kä nɛy kɔ̱kiɛn. A cäŋɛ niɛ täämɛ ŋotdɛ te ŋa̱th thi̱n kɛ kui̱ I-thɛ-rɛl.

³ Kɛ kui̱c ɛmɔ latnɛ mat ruac kɛ Kuothdan ɛn ɣöö banɛ mänkɔn kɛ gaatkiɛn kɛɛl däk, ce̱tkɛ ruacdu yɛnɛ nɛy tin luɔ̱thkɛ luëëk Kuɔthdan. A jɛ la̱tkɛ ce̱tnikɛ ŋuɔ̱t.

⁴ Jiɛc rɔ, bumni latni jɛ. Kɛ ɣöö ɛ la̱tdu bakɔ ji̱ luäk.”

⁵ Inɔ cu Ɛdhra rɔ jiɛc, kä cuɛ bööth palä kɛnɛ ji̱ Lii-bay kɛ ji̱ I-thɛ-rɛl diaal jak kä yackɛ rɔ ɛn ɣöö ba la̱t ce̱tkɛ min ca lar kä cukɛ rɔ yac.

⁶ Kä cu Ɛdhra rɔ woc thok luaak Kuɔth, kä cuɛ wä niɛn duëël Yɛ-ɣo-ɣa-nan gat Ɛl-ya-cib /kenɛ mi̱th kä /kenɛ math kɛ pi̱w. Parɛ thil ŋäthä pɛ̈ɛ̈cni.

⁷ Kä cua ruac lat raar kä Juda kɛnɛ Jɛ-ru-tha-lɛm ɛn ɣöö nɛy diaal tëë luny jɔk pe̱cä akɛ duɔlkɛ rɔ kä Jɛ-ru-tha-lɛm.

⁸ Kä ram wä tey a /ci bi ben kɛ kɛn ni̱n da̱ŋ diɔ̱k, ce̱tkɛ ruac bööthni kɛnɛ kua̱r ba kuakɛ diaal ka̱n, kä ba puɔ̱nydɛ tuɔ̱k raar rɛy dolä pɛ̈ɛ̈cni.

⁹ Kä kɛ cäŋ kä jiɛn da̱ŋ rɛw kä pay bäŋuan, cu ji̱ Juda kɛnɛ ji̱ Ben-ya-min diaal rɔ̱ dol kä Jɛ-ru-tha-lɛm kɛ kɛn ni̱n da̱ŋ diɔ̱k. Kä cu nɛy diaal nyuur dɛɛkä thok Luaak Kuɔth dualkɛ kɛ kui̱ dolä kɛnɛ nhiaal mi di̱i̱t.

¹⁰ Kä cu bo̱o̱th palä ni Ɛdhra rɔ jiɛc kä cuɛ kɛ jiök i̱, “Cia duer la̱t cia kuɛɛn kɛ män ti jur, cia duer nööŋ kä I-thɛ-rɛl.

¹¹ Kä täämɛ la̱tdɛ dueerkun Kuoth Nhial Kuoth guurikun, kä la̱tdɛ ruacdɛ. Kuɔcɛ rɔ̱ rɛy ji̱ wec kɛnɛ mänkun ti Jur ti̱ti̱.”

¹² Kä cu duɔl kɛɛliw ɛ loc kɛ jɔw mi di̱i̱t i̱, “Ɛ jɛn luɔtdɛ. Bakɔ la̱t ce̱tnikɛ mɔ ci larɔ.

¹³ Duundɛ ɣöö ŋuan naath, kä tëë kɛ nhiaal mi di̱i̱t. /Cakɔ rɔ bi luäŋ kɛ cuɔ̱ŋ dɛɛkä. Kɛ ɣöö ɛn nɛmɛ /ciɛ la̱t ca̱ŋ kɛl kiɛ ni̱n rɛw. Kɛ ɣöö cakɔ duer ɛlɔ̱ŋ kä nɛmɛ.

¹⁴ Ɛ bööthkɔ cuŋ kɛ gua̱a̱th dolä kɛɛliw. A nɛy diaal rɛy wi̱i̱nikɔ tin ci kuɛɛn kɛ män ti jur bäkɛ cäŋ in ca lat, kɛɛl kɛ bööth kɛnɛ ruëëc wec ɔ, amäni mi ci waŋ lɔaac Kuɔth kɛ nɛmɛ jiɛn kä kɔ.”

¹⁵ Cua ni Jo-na-than gat Ä-tha-el kɛnɛ Yɛ̈-dhɛ-yaa gat Tik-waa cu jɛ gak tɔ̱, kä cukɛ mat kɛ Mɛ-cu-lam kɛnɛ raan Lii-bay ni Cɛ̈-bɛ-thay.

¹⁶ Kä cu nɛy tin luny jɔk pe̱cä ruac ɛmɔ nhɔk. Kä cu bo̱o̱th palä ni Ɛdhra naath kuany kä bööth thukni duëli kä cuɛ ciöötkiɛn gɔ̱r. Kä kɛ cäŋ in jio̱l kä pay wäl cukɛ la̱t kä mɛmɛ tok.

¹⁷ Kä kɛ cäŋ in nhiam kä pay in jio̱l cukɛ thuɔ̱k kɛ lieny nɛɛni tin ci kuɛɛn kɛ män ti jur.

Nɛy tin ci duer kɛ kuen mään ti jur

¹⁸ Cu ti̱ti̱ a ciööt nɛɛni tin ci kuɛɛn kɛ män ti jur rɛy kuayni bööthni palä. Kä kuay Yɛ-cuwä gat Yo-dha-dak kɛnɛ gaat man. Cua Mɛ̈-the-yaa kɛnɛ Ɛ-li-dhɛr, kɛ Ya-rib kɛnɛ Gɛ-dɛ̈l-yaa.

¹⁹ Cukɛ jɛ lar i̱ bikɛ mänkiɛn däk, kä cukɛ dɔdɛ̈ɛ̈l thöp ala muc kɛ kui̱ dui̱rädiɛn.

²⁰ Kä kuay I-mer. Cua Ɣä-na-ni kɛnɛ Dhɛ-bɛ̈d-yaa.

²¹ Kä kuay Ɣa-rim. Cua Mɛ̈-the-yaa kɛnɛ E-li-yaa, kɛ Cɛ-mɛ̈-yaa, kɛnɛ Yɛ-ɣi-el kɛ U-dhi-yaa.

²² Kä kuay Pɛ̈c-ɣur. Cua Ɛl-yo-ɛ-nay kɛnɛ Mɛ̈-the-yaa kɛ I-ca-mel kɛnɛ Nɛ-tan-el kɛ Yo-dha-bad kɛnɛ Ɛl-athaa.

²³ Kä kuay Lii-bay. Cua Yo-dha-bad kɛnɛ Cimi kɛ Ke-la-yaa (min mɔ Kɛ-li-ta) kɛnɛ Pɛ-thɛ̈k-yaa kɛ Juda kɛnɛ Ɛ-li-dhɛr.

²⁴ Kä kuay këët din. Cua Ɛl-ya-cib. Kä yiëën thuɔk luaak. Cua Cɛ̈-lum kɛnɛ Tɛ-lɛm kɛ Uri.

²⁵ Kä ji̱ I-thɛ-rɛl tin kɔ̱ŋ. Kä kuay Pɛ̈r-oc. Cua Rɛ̈m-yaa kɛnɛ I-dhi-ya kɛ Mɛ̈l-ki-yaa kɛnɛ Mi-ya-min kɛ Ɛl-a-dhar kɛnɛ Mɛ̈l-ki-yaa kɛ Bɛ-na-yaa.

²⁶ Kä kuay Ee-lam. Cua Mɛ̈-tɛ̈n-yaa kɛnɛ Dhɛ-kar-yaa kɛ Yɛ-ɣi-el kɛnɛ Ɛ̈bdi kɛ Yi-re-moth kɛnɛ E-li-yaa.

²⁷ Kä kuay Dhɛ̈tu. Cua Ɛl-yo-ɛ-nay kɛnɛ Ɛl-ya-cib kɛ Mɛ̈-tɛ̈n-yaa kɛ Yi-re-moth kɛnɛ Dha-bad kɛ Ä-dhi-dha.

²⁸ Kä kuay Be-bay. Cua Yɛ-ɣo-ɣa-nan kɛ Ɣä-nɛ̈n-yaa kɛ Dhɛ̈-bay kɛnɛ Ɣä-nɛ̈n-yaa Ɛ̈th-lay.

²⁹ Kä kuay Bani. Cua Mɛ-cu-lam kɛnɛ Mɛ̈l-uk kɛ Ä-da-yaa kɛnɛ Ya-cub kɛ Cɛ-al kɛnɛ Yi-re-moth.

³⁰ Kä kuay Pɛ̈-ɣɛ̈th-mo-ab. Cua Ɛ̈dna kɛnɛ Kɛ-lal kɛ Bɛ-na-yaa kɛnɛ Mɛ̈-the-yaa kɛ Mɛ̈-tɛ̈n-yaa kɛnɛ Bɛ-dha-lel kɛ Bi-nuwi kɛnɛ Ma-na-thɛ.

³¹ Kä kuay Ɣa-rim. Cua Ɛ-li-dhɛr kɛnɛ Yi-ci-yaa kɛ Mɛ̈l-ki-yaa kɛnɛ Cɛ-mɛ̈-yaa kɛ Ci-mɛ-on.

³² Kɛnɛ Ben-ya-min kɛ Mɛ̈l-uk kɛnɛ Cɛ-mar-yaa.

³³ Kä kuay Ɣa-cum. Cua Mɛ̈-tɛ-nay kɛnɛ Mɛ̈-tɛ̈-taa kɛ Dha-bad kɛnɛ Ɛ-li-pa-lɛt kɛ Yɛ-re-may kɛnɛ Ma-na-thɛ kɛ Cimi.

³⁴ Kä kuay Bani. Cua Mɛ̈-day kɛnɛ Am-ram kɛ U-el

³⁵ kɛnɛ Bɛ-na-yaa kɛ Bed-yaa kɛnɛ Kɛ-lu-i,

³⁶ Kɛ Wa-niya kɛnɛ Mɛ-re-moth kɛ Ɛl-ya-cib,

³⁷ kɛnɛ Mɛ̈-tɛ̈n-yaa kɛ Mɛ̈-tɛ-nay kɛnɛ Yɛ̈-thaw.

³⁸ Kä kuay Bi-nuwi. Cua Cimi,

³⁹ kɛnɛ Cɛ-lɛm-yaa kɛ Na-than kɛnɛ Ä-da-yaa,

⁴⁰ kɛ Mɛ̈k-nɛ̈-dɛ-bay kɛnɛ Ca-cay kɛ Ca-ray,

⁴¹ kɛnɛ Ä-dhar-el kɛ Cɛ-lɛm-yaa kɛnɛ Cɛ-mar-yaa,

⁴² kɛ Cɛ̈-lum kɛnɛ Ä-mɛ̈r-yaa kɛ Jo-thɛp.

⁴³ Kä kuay Nɛbo. Cua Yɛ-i-el kɛnɛ Mɛ̈-tith-yaa kɛ Dha-bad kɛnɛ Dhɛ-bi-na kɛ Yɛ̈-day kɛnɛ Yo-el kɛ Bɛ-na-yaa.

⁴⁴ Cua kɛn nɛy diaal tëë ci kuɛɛn kɛ män ti jur kä cukɛ kɛ däk cukɛ wä amäni gaatkiɛn.