Diit 97 - RUAC KUƆTH IN RƐL RƆ

Kuoth ɛ Kuäär kä ti diaal

¹ Kuoth Nhial ɛ Kuäär, kä a piny lɔcdɛ tɛth, kä a dhuɔ̱li diaal lo̱ckiɛn tɛth!

² Kä pua̱a̱r kɛnɛ muth cikɛ Kuoth Nhial go̱l, kä cuŋ kɛnɛ thuɔ̱k kɛ kɔm kuäärädɛ.

³ Kä nhiamdɛ te ni mac thi̱n, mi bi ji̱ tɛ̈rɛ tin ca jɛ go̱l kui̱ni diaal waŋ.

⁴ Kä yielɛ mɛɛrɛ ɣɔw, kä la lathɛ piny mi cɛ jɛ nɛn.

⁵ Kä la lëër pääm ce̱tnikɛ kɔl nhiam Kuɔth Nhial, nhiam kua̱r ji̱ wi̱c muɔ̱ɔ̱n diaal.

⁶ Kä lat nhial cuŋkɛ, kä ci ji̱ wec muɔ̱ɔ̱n diaal wuɔ̱tdɛ nɛn.

⁷ Kä ca nɛy diaal tin palkɛ ni kuth jiɛn moc kɛ pöc, kɛn nɛy tin liakɛ rɔ̱ kɛ kuth jiɛn ti thil luɔt, palɛ jɛ yɛn kuth diaal.

⁸ Kä mëë ci ji̱ Dha-yɔn ɛ liŋ cu lo̱ckiɛn tɛth, kä cu lo̱c wi̱i̱ni Juda tɛth kɛ kui̱ luɔ̱kdu lö Kuoth Nhial.

⁹ Kä kɛ kui̱du lö Kuoth Nhial, di̱t ni ji̱n wi̱i̱ muɔ̱ɔ̱n kɛɛliw, kä di̱t ni liakdu kä kuth diaal.

¹⁰ Nhɔk Kuoth Nhial nɛy tin lökɛ duer, kä gaŋɛ tëk nɛɛnikɛ tin guɔ̱ɔ̱rkɛ jɛ, la käänɛ kɛ tetni ji̱ nyuɔɔni.

¹¹ Kä buay ɛ duŋ ji̱ cuŋni, kä tɛ̈th lɔaac ɛ duŋ nɛɛni tin gɔw lo̱ckiɛn.

¹² A lo̱ckun tɛth rɛy Kuoth Nhial lö nɛy ti̱n gɔw, kä liakɛ ciötdɛ min rɛl gɔɔydɛ rɔ.