Diit 95 - RUAC KUƆTH IN RƐL RƆ

Cɔl nath palä kɛnɛ luth

¹ Bia puanynɛ Kuoth Nhial kɛ diit, bia këtnɛ Kuoth in la gääŋdan diit tɛthkä lɔaac!

² Wanɛ nhiamdɛ kɛ tɛ̈th lɔaac, puanynɛ jɛ kɛ diit tɛthä lɔaac!

³ Kɛ ɣöö Kuoth Nhial ɛ Kuoth mi di̱t, kä ɛ Kuäär mi di̱t ni jɛn wi̱i̱ kuthni diaal.

⁴ Kä gua̱th tin lueŋ piny kɛ nyinkɛ, kä pääm tin ba̱r ba̱a̱r kɛ nyinkɛ bä.

⁵ Kä yier ɛ duŋdɛ kɛ ɣöö lätdɛ jɛn, kä mun in kööt lätdɛ jɛn nikɛ tetkɛ.

⁶ Kua ben, bia ka̱mnɛ rɔ̱ mua̱a̱l kä palnɛ jɛ, bia ka̱mnɛ rɔ̱ mua̱a̱l nhiam Kuɔth Nhial in la cääkdan!

⁷ Kɛ ɣöö ɛ jɛn Kuothdan, kä kɛ kɔn nɛy tin gaaŋɛ, kä kɛ kɔn detkɛ tin la lääkɛ. Kä ɛn walɛ mi wiaa jɔwdɛ wä liŋ!

⁸ /Cuarɛ lo̱ckun jak kä bum ce̱tkɛ mëë cia la̱t kä Mɛ-ri-baa, kɛnɛ mëë cia la̱t cäŋ ëë kä Mathaa rɛy dɔaar,

⁹ mëë cu guurdɔɔŋni ɣä ɣɔ̱n, mëë cua ɣä thɛm ɛ kɛn, cäŋ ɛ mëë cikɛ lätkä nɛn.

¹⁰ Kä cua ɣä jakä gak kɛ run ti jiɛn da̱ŋ ŋuaan kɛ jɛn nɛ ɛmɛ, cua̱ ruac wa̱a̱ i̱, “Kɛ nɛy ti ci lo̱ckiɛn bath, kui̱c kɛn duɔ̱pkä.”

¹¹ Kä kɛ kui̱ ɛmɔ kɛ gaakdä cua̱ wee i̱, “Kɛn /cikɛ bi wä guäth lɔ̱ŋädä.”