Diit 94 - RUAC KUƆTH IN RƐL RƆ

Cuŋ Kuɔth

¹ Kuoth Nhial ɛ ji̱n Kuoth mi la col duɔ̱ɔ̱r, lö Kuoth mi la col duɔ̱ɔ̱r bër nyoth rɔɔdu!

² Jiɛcni rɔɔdu lö luuk piɛny, bër kämni nɛy tin liakɛ rɔ̱ min ro̱ŋ kɛ kɛ!

³ Bɛ kulɛ amäni nɛy bi ji̱ nyuɔɔni lo̱ckiɛn tɛthɔ? Bɛ kulɛ amäni nɛy lö Kuoth Nhial?

⁴ Kä lat kɛn ni rieet liakä, kɛn ji̱ la̱a̱t jiäkni diaal liakɛ ni rɔ.

⁵ Kä näk kɛn ni nɛɛku lö Kuoth Nhial, yɔŋ kɛn ni nɛy tin la nɛɛku.

⁶ Kä näk kɛn män jɔɔkni kɛnɛ jur, kä luc kɛn gaat tin rɛ̈tni.

⁷ Ruackɛ wäkɛ i̱, “Kuoth Nhial /cɛ ne̱n, ɛn Kuoth Je-kɔb thilɛ jɛ tiit.”

⁸ Ŋa̱cɛ ŋɔak lö yɛn nɛy tin dɔa̱a̱r, yɛn dɔ̱a̱a̱r bia pɛl i̱ nɛy?

⁹ Kä jɛn ram min lät ji̱th, /cɛ dëë ku liɛŋ? Kä jɛn raam in lät nyin, ɛ /cɛ dëë ku nën?

¹⁰ Kä jɛn ram min lue̱e̱k döör, kä nyuuth naath kɛ ŋäc ŋɔaani, ɛ /cɛ naath dëë ku tɔ̱ŋ?

¹¹ Kä jɛn Kuoth Nhial ŋäcɛ cär nath, ɛn ɣöö thilɛ kɛ luɔt kɛ lɔaar.

¹² Tɛ̈th lɔaac akɛ nɛy tin ci Kuoth Nhial kɛ luek, kɛn nɛy tin cɛ nyuɔ̱ɔ̱th kɛ ŋuɔ̱tkɛ,

¹³ tin kämɛ lɔ̱a̱ŋ kɛ ni̱n rikni, amäni mi ca kɔa̱a̱k tɛt kɛ kui̱ ji̱ nyuɔɔni.

¹⁴ Kɛ ɣöö Kuoth Nhial /cɛ nɛɛkɛ bi pa̱l ruëëc, /cɛ kɛ bi ba̱ny piny kɛn nɛy tin la nyinkɛ,

¹⁵ kɛ ɣöö ba luɔ̱ɔ̱k nyɔk kɛ luk kɛ thuɔ̱ɔ̱k, kä ba guɔ̱ɔ̱r ni jɛ ɛ ji̱ thuɔ̱ɔ̱kni diaal.

¹⁶ Kä ɛŋa mi bi ɣä ɣɔr kä ji̱ nyuɔɔni? Kä ɛŋa mi bi gua̱a̱thdä käthikä kä la̱a̱t jiäkni?

¹⁷ Mi /ken Kuoth Nhial ɣä luäk, kä täämɛ dëë tieeydä te ni jɔɔkni.

¹⁸ Kä mëë cä wee i̱, “Ɣän tɛ̈thä,” curi ɣä luäk kɛ nhökdu, min thil pek lö Kuoth Nhial.

¹⁹ Kä mɔ ci diɛɛr lɔaacdä di̱t ɔ, la buumi ɣä kä bi lɔcdä jak kä gɔaa.

²⁰ A dëë kua̱r tin tekɛ nyuɔɔn kua̱ mäthniku, kɛn nɛy tin /ca thuɔ̱k läth guäthdɛ?

²¹ La mat kɛ rɔ̱ kɛ kui̱ nɛɛni tin tekɛ cuŋ, bikɛ nɛy tin thil duer cu kum kɛ lia̱a̱.

²² Duundɛ ɣöö bi Kuoth Nhial a gääŋdä, kä jɛn Kuothdä bɛ la käändä.

²³ Bɛ kɛ cuɔ̱l dueerkiɛn kä bɛ kɛ ciac raar kɛ kui̱ nyuɔɔnikiɛn. Jɛn Kuoth Nhial ni Kuothda bɛ kɛ thuk.