Diit 90 - RUAC KUƆTH IN RƐL RƆ

Bok Ŋuaan ( Diit 90—106 ) Ta̱a̱ Kuɔth kɛnɛ ta̱a̱ ran

(Pal Muthɛ min la raan Kuɔth)

¹ Ɛ ji̱n gua̱a̱th känäda, lö kuäär ri̱cni diaal.

² Ni mëë /keni pääm ni cak, ni mëë /keni ɣɔw ni cak, ɛ ji̱n Kuoth mi te thi̱n.

³ Kä ɛ ji̱n min jak naath kä li̱w wi̱i̱ i̱, “Luɔcɛ tuur lö gaat A-dam.”

⁴ Kɛ ɣöö ce̱t run ti bathdɔɔr kɛ cäŋ kɛl kä ji̱. Ce̱tkɛ kɛ thaakni wa̱rda̱a̱r.

⁵ La li̱w raan ce̱tnikɛ mi ni̱n ni jɛn, kä bɛ jiɛɛn ɛ yut ce̱tnikɛ la̱k, ce̱t ta̱a̱dɛ nikɛ juaac kɛ runwaŋ.

⁶ Juaac tin lapɛ tɔ̱ɔ̱c kɛ runwaaŋ, kä bikɛ rɔɔl kɛ thiaŋ.

⁷ Kɛ ɣöö cakɔ thuk ɛ ŋɛ̈ɛ̈nydu, kä cakɔ duɔ̱pkɛ waaŋ lɔaacdu.

⁸ Ci nyuɔɔn la̱th ni nhiamdu, ci dueerkɔ jɔɔc ni rɛy buɔyädu.

⁹ Ci ni̱nkɔ jak kä kuiy kɛ ŋɛ̈ɛ̈nydu, ci runkɔ cu thuɔ̱k ɛyut.

¹⁰ Run teekäda diaal kɛ jiɛn bärɔw, kiɛ jiɛn bädäk mi ci raan buɔ̱m. Kä la thuɔ̱kɛ kɛ kɛ rik kɛnɛ bɛ̈c bɛ̈ɛ̈c, la kɛ cua̱ thuk kɛ pɛ̈th bakɔ cu thil.

¹¹ Kä ɛŋa mi ŋäc buɔ̱m gaakdu? Kɛ ɣöö gakdu di̱tdɛ ce̱tnikɛ luthda kɛ ji̱.

¹² Nyuthnikɔ pek ni̱ni teekäda, dɔ̱ŋ dëëkɔ pɛl lɔaac jek.

¹³ Bɛ mäni nɛy lö Kuoth deri luny jɔk ɔ? Kɛ ɣöö bi ja̱a̱ŋku ben nyuɔ̱th gɔɔy!

¹⁴ Ro̱ŋkɔ nikɛ runwaŋ kɛ nhökdu min thil pek, kɛ ɣöö dëëkɔ tekɛ tɛ̈th lɔaac ni̱nikɔ diaal.

¹⁵ A ni̱n tɛthä lɔaacda ŋuan ce̱tnikɛ ni̱n tëë ci duäcnikɔ, ce̱tnikɛ run tëë ŋuan tëë cakɔ nɛn ni jiäk.

¹⁶ Nyuthni lätku ja̱a̱ŋku, kä nyuthni buɔ̱mdu gaatkiɛn.

¹⁷ A nhök Kua̱ran ni Kuoth tekɛ kɔn kɛɛl, jakni lätkɔ diaal kä thuɔ̱k, ɛ puc jakni lätkɔ diaal kä gɔw!