Diit 87 - RUAC KUƆTH IN RƐL RƆ

Jɛ-ru-tha-lɛm ɛ wec dööri diaal

(Dit gan Kora)

¹ Kuoth cɛ wecdɛ la̱t wi̱i̱ pa̱a̱m in rɛl rɔ,

² Kuoth Nhial nhɔkɛ Jɛ-ru-tha-lɛm ɛlɔ̱ŋ, kä wi̱i̱ I-thɛ-rɛl diaal.

³ Kä cua ti gɔw lat kɛ kui̱du lö wec Kuɔth.

⁴ Ɣän bä nɛy tëë ca ɣä luɔ̱th la̱t ji̱ I-jëp kɛnɛ ji̱ Bɛ̈-bi-lɔn rɛy dööri, kä ji̱ Pi-li-thɛt kɛnɛ ji̱ Dhor kɛ ji̱ Kuc, dapkɛ ramɔ kä Jɛ-ru-tha-lɛm. bikɛ wee i̱, “Dapkɛ nɛy kä Jɛ-ru-tha-lɛm.”

⁵ Kä kɛ kui̱ Jɛ-ru-tha-lɛm bi naath wee i̱, “Ram ɛmɛ dapkɛ jɛ ɛn wanɛ,” kä bi Kuoth Nhial in Di̱t ni Jɛn jak kä bum.

⁶ Bi Kuoth Nhial jɛ gɔ̱r mi wëë ciööt nath gɔ̱r i̱, “Kɛn ji̱ dööri ti̱ti̱ dapkɛ kɛ ɛn wi̱ni.”

⁷ Kä bikɛ duth kä kɛ̈tkɛ diit wäkɛ i̱, “Gɔy diaal bäkɛ kä Jɛ-ru-tha-lɛm.”