Diit 85 - RUAC KUƆTH IN RƐL RƆ

Pal kɛ kui̱ malä kɛnɛ cuŋ

(Dit ji̱ kɔaar Kora)

¹ Ji̱n ti kɛ nhök mi di̱i̱t kɛ mundu lö Kuoth Nhial, kä ji̱n ci ji̱ I-thɛ-rɛl luɔ̱c gɔykiɛn.

² Kä ji̱n ci nɛɛku pa̱l dueerkiɛn, cikɛ pa̱l dueerkiɛn diaal.

³ Kä ci ŋɛ̈ɛ̈nydu päl kɛɛliw, kä ci lëth gaakdu wä piny.

⁴ Luucnikɔ jɔk lö Kuoth känäda, ku ŋɛ̈ɛ̈nydu woc kä kɔ.

⁵ Ɛ bi ku ŋɛ̈ɛ̈ny kɛ kɔ amäni cäŋ kɛl? Ɛ bi ŋɛ̈ɛ̈nydu ku te thi̱n kɛ ri̱c diaal?

⁶ Ɛ /ci nɛy bi ku luɔ̱c tëk, kɛ ɣöö dëë nɛɛku tɛ̈th lɔaac jek kä ji̱?

⁷ Nyuthnikɔ nhökdu min thil pek lö Kuoth Nhial, kä kämnikɔ ka̱ndu.

⁸ A liɛŋä min bi Kuoth Nhial ni Kuoth ɛ lat, kɛ ɣöö bɛ mal lat kɛ kui̱ nɛɛnikɛ, mi /ci nɛɛkɛ bi loc kä ciɛŋ dɔ̱ɔ̱rädiɛn.

⁹ Kɛ thuɔ̱k ka̱ndɛ tëë gekä nɛɛni, tin luɔ̱thkɛ jɛ, kɛ ɣöö bi buɔ̱mdɛ kulɛ te muundan.

¹⁰ Kä bi nhök kɛnɛ ŋa̱th lɛni te thi̱n kɛɛl ɛn wanɛ, kä bi gɔɔy kɛnɛ mal rɔ̱ lɛni nyɔk kɛ ben kä kɔn.

¹¹ Bi naath ŋäth ni Kuoth, kä bi gɔɔy Kuɔth ben kä naath ni puɔ̱ɔ̱rä.

¹² Kä bi Kuoth Nhial kɔ ka̱m ni tin gɔw, kä bi munda dɛykɛ rɔ̱ rep.

¹³ Kä bi ciaŋ cuŋni te nhiam Kuɔth, kä bɛ duɔ̱ɔ̱p wä rialikä kɛ kui̱dɛ.