Diit 83 - RUAC KUƆTH IN RƐL RƆ

Pal kɛ kui̱ juɔ̱c ji̱ tɛ̈r ji̱ Juudh

(Dit A-thap)

¹ Aɣ Kuoth /cu lɛ biɛt, /cu waŋdu bi kum cu bit lö Kuoth!

² Kɛ ɣöö kɛn ji̱ tɛ̈ru tekɛ ni gaak, ci nɛy tin lökɛ ji̱ wuɔ̱thkiɛn kap nhial.

³ Cikɛ cär ti jiäk rialikä kɛ kui̱ nɛɛniku, matkɛ ca̱a̱pkiɛn kɛ kui̱ nɛɛni tin gaŋi.

⁴ Kä ruackɛ wäkɛ i̱, “Bia na̱knɛ kɛ ɛ bikɛ thuuk /cikɛ bi la do̱r, kä ɛ ciöt I-thɛ-rɛl /ca lɛ nyɔk kɛ ti̱em amäni cäŋ kɛl.”

⁵ Kɛn cikɛ ca̱r kɛl mat kɛɛl, cikɛ mat ruac la̱t kɛ lo̱kdu,

⁶ kɛn ji̱ Ɛ-dɔm kɛnɛ ji̱ I-ca-mel, kɛ ji̱ Mo-ab kɛnɛ ji̱ Ɣɛ̈g-ri.

⁷ Kɛ ji̱ Gi-bɛl kɛnɛ ji̱ Am-on kɛ Ä-ma-lek, kɛ ji̱ Pi-li-thɛt kɛnɛ nɛy tin cieŋ kä Dhor.

⁸ Cu mäni ji̱ A-thi-ri-ya bä cikɛ rɔ̱ ma̱tkɛ, cukɛn cua̱ buɔ̱m gan Lot.

⁹ Lätnikɛ kä mëë ci kɔŋ lät kä ji̱ Mid-yan, ce̱tkɛ duŋ ji̱ Ci-cɛ-ra kɛnɛ Ya-bin jɔk kiɛɛr Ki-con,

¹⁰ tëë cua däk kä Een-dor, tëë cu ce̱tnikɛ wär ɣɔ̱ɔ̱k piny.

¹¹ Kä lätni bööthkiɛn ce̱tkɛ O-reb kɛnɛ Dheeb, kä lätni ruëëckiɛn kä mi ce̱tnikɛ Dhɛ-bɛ̈ kɛnɛ Dhal-mu-na,

¹² tëë ruac i̱, “Ka̱nɛ mun la̱k ɣɔ̱ɔ̱k Kuɔth ka̱nɛ jɛ ɛ la duŋdan.”

¹³ Jaknikɛ kä ce̱tnikɛ ruɔth lö Kuothdä, ɛ kɛ ce̱tnikɛ jil mi lɔk jiɔam ɛ.

¹⁴ Cätdi nikɛ mac in la rup a pɛt, kɛnɛ bo̱l maac mi pɛt rɛy pa̱a̱m,

¹⁵ inɔ jockɛ kɛ jiɔamdu min leth, kä jakni kɛ kä dual kɛ tul jiɔamdu.

¹⁶ Ku kɛ thiäŋ kɛ pöc, dɔ̱ŋ dëë kɛ ciötdu ŋäth lö Kuoth Nhial.

¹⁷ Akɛ muɔckɛ pöc kɛnɛ buar mi bi te thi̱n ni ciaŋ, kä akɛ li̱w kɛ buariɛn kɛɛl.

¹⁸ Ɛ jɛ ba ŋa̱c ɛ kɛn ɛn ɣöö ɛ ji̱n kä rɔa, ɛn min cɔalkɛ ciötdɛ Kuoth Nhial, ɛ ji̱n in la Ruey Ɣɔaa ni kɛɛliw.