Diit 82 - RUAC KUƆTH IN RƐL RƆ

Kuoth ɛ Kuäär luɔ̱k in di̱i̱t

(Dit A-thap)

¹ Ci Kuoth gua̱a̱thdɛ ka̱n rɛy dolä min gɔaa, jɛn latdɛ luk rɛy kua̱ri wëë i̱,

² “Ɛ bɛ ku mäni nɛy /ci bi luk kɛ thuɔ̱k ɔ, ɛ bi nɛy tin thil lua̱ŋ nyuɔ̱th thuɔ̱k?

³ Kämni ram mi thil lua̱ŋ kɛnɛ rɛɛt cuɔ̱ɔ̱ŋ, tit cuɔ̱ɔ̱ŋ raam in can kɛnɛ ram in yakɛ.

⁴ Luäk can kɛnɛ ram in thil lua̱ŋ, känkɛ tetdä gua̱n nyuɔɔni.”

⁵ Thilɛ kɛ mi ŋäc kɛn ɛ, jäl ni kɛn rɛy muɔ̱th, kä keŋ piɛny diaal lathkɛ.

⁶ Kä cua̱ wee i̱, “Kɛ yɛn kua̱r, kɛ yɛn gaat Kuɔth in Di̱t ni Jɛn yɛn diaal,

⁷ duundɛ ɣöö bia li̱w ce̱tnikɛ naath, bia pɛ̈ɛ̈n ce̱tnikɛ ruëëc tin kɔ̱ŋ.”

⁸ Jiɛc rɔ lö Kuoth, luk wi̱c muɔ̱ɔ̱n, kɛ ɣöö döör diaal kɛ nyinku!