Diit 79 - RUAC KUƆTH IN RƐL RƆ

Pal kɛ kui̱ wec

(Dit A-thap)

¹ Ci döör mundu mac lö Kuoth, cikɛ luaakdu min Rɛl Gɔɔydɛ rɔ ya̱r, cikɛ Jɛ-ru-tha-lɛm da̱k ni piny.

² Cikɛ ri̱ŋ ja̱a̱ŋniku thöp diit nhial ɛ la mi̱ethdiɛn, cikɛ ri̱ŋ nɛɛniku tin gɔw thöp ley dɔaar ɛ la mi̱eth.

³ Cikɛ rimkiɛn wuɔ̱th piny ce̱tkɛ pi̱w kui̱ni Jɛ-ru-tha-lɛm diaal, kä cɛ thil ram mi kony kɛ.

⁴ La cua̱ dɔalkɛ ni kɔ ɛ ji̱ thieekäda, lɛ̈ŋkɛ kɔ kä dɔalkɛ kɔ.

⁵ Kä bɛ ku mäni nɛy lö Kuoth Nhial bi ŋɛ̈ɛ̈nyɔ amäni cäŋ kɛl ɔ? Kä bi tiɛɛlu pɛ̈t ce̱tkɛ mac mäni nɛy?

⁶ Ɛ ŋɛ̈ɛ̈nydu wä kä döör tin kueckɛ ji̱, kɛnɛ kuääri tin /ca ji̱ pal.

⁷ Kɛ ɣöö cikɛ thok duëël Je-kɔb näk, kä cikɛ wecdiɛn däk.

⁸ /Cu dueer gua̱nikɔ lɛ nöŋkɔ, ɛ bä ni kɔ̱a̱c lɔaacdu kä kɔ kɛ pɛ̈th, kɛ ɣöö go̱o̱r nɛy luäk.

⁹ Luäkɔ lö Kuoth känäda, kä kɛ kui̱ gɔɔyä cio̱tädu, känkɔ kä pälikɔ dueerkɔ, kɛ kui̱ cio̱tädu.

¹⁰ Ɛŋu ruac döörɛ ɔ i̱, “Kuothdiɛn a nikä?” Ni waaŋda jakni döör kä ŋa̱ckɛ jɛ ɛn ɣöö ci ja̱a̱ŋku tin ca riɛmdiɛn wuɔ̱th piny col.

¹¹ Ɛ wiee nɛɛni tin ca yian cup ni nhiamdu, kä kɛ buɔ̱mdu min di̱i̱t gaŋ nɛy tin ca kumkɛ lia̱a̱.

¹² Lucni ji̱ thieekäda rik ni kä bärɔw, kɛ kui̱ jiäkni cikɛn kɛ lät kä ji̱ lö Kuäär.

¹³ Kä inɔ, kɔn nɛɛku tin la detku, bakɔ ji̱ la̱r tɛ̈th lɔaac amäni cäŋ kɛl, ri̱c ɔ ni kɛ ri̱c ɔ bakɔ liakdu la tiɛmkɛ.