Diit 75 - RUAC KUƆTH IN RƐL RƆ

Lär naath Kuoth tɛ̈th lɔaac

(Dit tuarä A-thap)

¹ Bakɔ ji̱ la̱r tɛ̈th lɔc lö Kuoth, bakɔ ji̱ la̱r tɛ̈th lɔaac, kɛ ɣöö te ciötdu thiäkä. Kä bi naath lätku tin ga̱ykɛ naath lat.

² Ce̱tnikɛ gua̱th ëë cä lat ɣän bä luk kɛ cuɔ̱ɔ̱ŋ.

³ Kä mëë lathɛ piny kɛnɛ ji̱kɛ diaal, ɛ ɣän ɛ nëë rɔm cuɔ̱ɔ̱ŋkɛ piny.

⁴ Kä cua̱ gua̱n liakä jiök i̱, “/Cu rɔ liak,” kä cua̱ gua̱n nyuɔɔni jiök i̱, “Cu buɔ̱mdu nyoth,

⁵ /Cu buɔ̱mdu kap ni nhial, kiɛ /cu ruac kɛ buɔ̱m wecdu.”

⁶ Thilɛ raan kä käny ca̱ŋ kiɛ kä kony ca̱ŋ, kiɛ rɛy dɔaar mi bi raan luk.

⁷ Ɛ Kuoth bi naath luk ɔ, ɛ jɛn no̱o̱ŋ raan piny ɔ kä kapɛ ram in dɔ̱ŋ nhial.

⁸ Kä tet Kuɔth Nhial te liɛɛr thi̱n, thieŋɛ kɛ kɔaŋ mi ca liɔm kɛ wal tin kɔp. Kä bɛ tha̱a̱ŋdɛ tith, kä bi ji̱ dueeri wec muɔ̱ɔ̱n diaal ɛ math amäni nuɔ̱ɔ̱rɛ.

⁹ Duundɛ ɣöö bä tekɛ tɛ̈th lɔaac ɛ thil pek, bä Kuoth Je-kɔb puany kɛ dit.

¹⁰ Ɣän bä buɔ̱m ji̱ nyuɔɔni woc, duundɛ ɣöö bä ji̱ cuŋni kap nhial.