Diit 70 - RUAC KUƆTH IN RƐL RƆ

Pal kɛ kui̱ lua̱k

(Dit Dee-bid)

¹ Ɛ lɔcdu tɛth kɛ ɣöö bi ɣä kän lö Kuoth, aɣ Kuoth Nhial bër luäk ɣä kɛ pɛ̈th!

² Ɛ nɛy tin görkɛ näkdä pöc kä akɛ yi̱c. Ɛ nɛy tin görkɛ ni da̱kdä loc jɔk kɛ pöc.

³ Ɛ nɛy tin lɛ̈ŋkɛ ɣä tin ruac i̱, “Aɣa, aɣa!” Loc nikɛ jɔk kɛ pöc.

⁴ Kä ɛ nɛy diaal tin görkɛ ji̱ lo̱ckiɛn tɛth rɛydu. Kä ɛ nɛy tin nhɔakɛ ka̱ndu ruac ni ciaŋ ɛ thil pek wäkɛ i̱, “Kuoth di̱tdɛ!”

⁵ Duundɛ ɣöö ɛ ɣän ram mi can mi gäy, bër kä ɣä lö Kuoth! Kɛ ɣöö ɛ ji̱n luääkdä kä gääŋdä, mal ben kɛ pɛ̈th lö Kuoth Nhial!