Diit 69 - RUAC KUƆTH IN RƐL RƆ

Pal kɛ kui̱ lua̱k kä yööŋ

(Dit Dee-bid)

¹ Luäk ɣä lö Kuoth kɛ ɣöö ci pi̱ ɣä cuɔ̱p ni ŋuäk.

² Ɣän cä cuit ni rɛy tua̱a̱k guäth mi thil mi dɔanyä kɛ cio̱o̱kdä. Cä pɛn rɛy pi̱i̱ni ti luëŋ luëëŋ, kä ci nyɔc ɣä cu lɔk.

³ Ɣän cä cuuc ɛlɔ̱ŋ kɛ wiee cɛ ŋɔa̱a̱ŋ ci ro̱lä bɛ̈c, kä ci nëndä kuɛ̈ɛ̈kɛ li̱ep Kuɔthdä.

⁴ Kä ŋuan nɛy tin lökɛ ɣä kɛ mi thil thar ɛ lɛ̱̈nykɛ ni miem wecdä. Kä ŋuan nɛy tin görkɛ däkdä ɛlɔ̱ŋ, kɛn ji̱ tɛ̈rä tin gɔanykɛ ɣä kɛ kac. Ɛ bä mi /ka̱n kual ku nyɔk kɛ loc thi̱n?

⁵ Ji̱n ŋäci dueerkä diaal lö Kuoth, kä nyuɔɔnkä diaal tin cä la̱t tekɛ ni nhiamdu.

⁶ Ɛ nɛy tin ŋa̱thkɛ ji̱ /ca bilɛ moc kɛ buar kɛ kui̱dä, Kuäär ni Kuoth in la Ruey Ɣɔaa, ɛ nɛy tin görkɛ ni ji̱ /ca moc kɛ pöc kɛ kui̱dä, lö Kuoth I-thɛ-rɛl.

⁷ Kɛ ɣöö ɛ kui̱du ɛ nin kuɛ̈thkɛ ɣä, kä ɛ jɛn ci pöc waŋdä kum ɔ.

⁸ Cɛ ŋɔa̱a̱ŋ cä la juɔ̱r kä gaatmaari, ɛ ca̱a̱ ni raan go̱lä kä ji̱ maarädä.

⁹ Kɛ kui̱ ɛmɔ ci nhökdä kɛ luaakdu rɛydä thiäŋ, ɛ ci kuethni nɛɛni tin kuëthkɛ ji̱ pɛn ni kä ɣä.

¹⁰ Kä mɔ pa̱rä mɔ ɛ cä mi̱th, la kɛn cua̱ kueth ni ɣä kɛ ɣöö thɛ̈ɛ̈kä mi̱th.

¹¹ Kä mɔ cä bieyni cuali la̱th ɔ kɛ ɣöö pa̱rä, lakɛn cua̱ dɔl ni ɣä.

¹² La ɣä cua̱ dɔalkɛ ɛ nɛy tin nyuur thok rɛ̈ɛ̈k, kä ba ɣä kɛt kɛ diit ɛ yɔ̱a̱ŋ kɔaaŋni.

¹³ Duundɛ ɣöö mi ɛ kui̱dä ɣän bä pal ni ji̱ lö Kuoth Nhial. Kɛ gua̱a̱th mi gɔaa mi nhɔki lö Kuoth, loc palä kɛ kui̱ nho̱kädu min thil pek. Kä kɛ ka̱ndu min thuɔ̱k,

¹⁴ Luäk ɣä kä kän ɣä, rɛy tua̱a̱k in cä cuit thi̱n. Kän ɣä kä ji̱ tɛ̈rä, kɛnɛ rɛy pi̱i̱ni ti luëŋ luëëŋ ti̱ti̱.

¹⁵ Cu ɣä jakä ba lɔk ɛ nyɔc, kiɛ ba ɣä buɔny ɛ pi̱w, kiɛ bi kɔ̱a̱k ɣä muɔl piny.

¹⁶ Loc ɣä lö Kuoth Nhial, kɛ ɣöö nhökdu gɔaaɛ ɛlɔ̱ŋ, Kä kɛ kɔ̱a̱c lɔaacdu min di̱i̱t, lunyni kä ɣä.

¹⁷ Cu rɔ lɛ tɛ̱̈ɛ̱̈ kɛ ɣän ja̱ŋdu kɛ ɣöö ɣän ta̱a̱ rikä mal ɣä loc kɛ pɛ̈th.

¹⁸ Thieek ni rɔ kɛ ɣä, kä kän ɣä, bër luäk ɣä kä ji̱ tɛ̈rä.

¹⁹ Ji̱n ŋäci kuethni min kuethkɛ ni ɣä, kɛnɛ pöcdä kɛ buarä, kä ji̱n ŋäci ji̱ tɛ̈rä diaal.

²⁰ Kuethni cɛ lɔcdä ŋuɔk ni piny, a cɛ ɣä cu jak kä can. Ɣän cua̱ go̱r kɛ ram mi com ɣä kä cuɛ thil raan, Kä cua̱ go̱r kɛ ram mi buum ɣä, kä cuɛ thil raan.

²¹ La kɛn a käm ni ɣä lueŋ i̱ mɔ mi̱eth, kä la ka̱mkɛ ni ɣä mi kɛc kɛc mi ci rɛw ɣä näk.

²² Ɛ mi̱ethdiɛn la dääkdiɛn, ɛ nyuaakdiɛn la kääpdiɛn.

²³ Kä ɛ wäŋkiɛn kuɔ̱mkɛ, kɛ ɣöö /cikɛ bilɛ nën. ɛ lɛtkiɛn ku bɛ̈c amäni cäŋ kɛl.

²⁴ Jakni ŋɛ̈ɛ̈nydu kä bëë kä kɛ, kä waŋkɛ kɛ ŋɛ̈ɛ̈nydu min pɛt ce̱tkɛ mac.

²⁵ Ɛ wecdiɛn te ni baaŋ, kä a jɛ thil ram mi cieŋ duëlikiɛn.

²⁶ Kɛ ɣöö la kɛn a yɔŋ ni nɛy tin ci tɔ̱ŋ, kä lɛ̈ŋkɛ nɛy tin ci moc kɛ buɔ̱ɔ̱t.

²⁷ Ku duäcdiɛn ma̱t duäc mi dɔ̱ŋ, a ka̱ndu lɛ nyuak kɛ naath /cukɛ bi pälikä.

²⁸ Ɛ ciöötkiɛn ka̱mkɛ raar rɛy buɔk teekä, kä akɛ /ca bi mat rɛy nɛɛni tin gɔw.

²⁹ Duundɛ ɣöö ɣän cä thia̱a̱ŋ kɛ rik kɛnɛ ti bɛ̈c bɛ̈ɛ̈c, Ɛ ka̱ndu gaŋä lö Kuoth.

³⁰ Ɣän bä ciöt Kuɔth liak kɛ diit puɔnyä, ɣän bä jɛ liakɛ diit tɛthä lɔaac.

³¹ Mɛmɛ bɛ lɔc Kuɔth Nhial jakä tɛth ɛ bɛ leny ni muc thääkni, muc thääkni ti wëri ti tekɛ barkakni.

³² Mi wä nɛy tin yɔaŋkɛ nɛmɛ wä nɛn, bi lo̱ckiɛn tɛɛth, kä yɛn nɛy tin görkɛ Kuoth ɛ lo̱ckun bum.

³³ Kɛ ɣöö Kuoth Nhial liŋɛ jɔw cani, kä /cɛ nɛɛkɛ tin ca yian lo̱k.

³⁴ Ɛ nhial kɛnɛ piny liakɛ Kuoth, kɛ yiër amäni tin diaal tin jäl rɛydiɛn.

³⁵ Kɛ ɣöö bi Kuoth Nhial Dha-yɔn kän, kä bɛ wi̱i̱ Juda nyɔk kɛ ta̱th, kä bi ja̱a̱ŋkɛ cu cieŋ ɛn wani kä bɛ la duŋdiɛn.

³⁶ Kä bi gaat ja̱a̱ŋniku jɛ ka̱n ɛla duŋdiɛn, kä bi nɛy tin nhɔakɛ ciöt Kuɔth cieŋ thi̱n.