Diit 67 - RUAC KUƆTH IN RƐL RƆ

Ɛ nɛy diaal liakɛ Kuoth

(Dit tuarä)

¹ Lö Kuoth, ɛ lɔcdu kɔ̱c kɛ kɔ kä poth kɔ, kä nyuthnikɔ gɔɔydu,

² kɛ ɣöö ba duɔ̱ɔ̱pdu ŋa̱c wi̱i̱ muɔ̱ɔ̱n, kä ba buɔ̱m känädu ŋa̱c ɛ döör diaal.

³ Ɛ naath puanykɛ ji̱ lö Kuoth, ɛ nɛy diaal liakɛ ji̱!

⁴ Ɛ döör lo̱ckiɛn tɛth kä akɛ kɛ̈tkɛ diit tɛthkä lɔaac, kɛ ɣöö luki naath kɛ thuɔ̱k kä nyuuthi döör wec muɔ̱ɔ̱n.

⁵ Ɛ naath puanykɛ ji̱ lö Kuoth, ɛ nɛy diaal liakɛ ji̱!

⁶ Ci mun dɛykɛ kuir, kä bi Kuoth, in la Kuothda kɔ poth.

⁷ Ci Kuoth nɛy poth ɛ pek ɣɔaa kɛɛliw luth jɛ!