Diit 64 - RUAC KUƆTH IN RƐL RƆ

Pal kɛ kui̱ ga̱ŋ

(Dee-bid)

¹ Liŋ palä lö Kuoth, kɛ ɣöö ɣän ta̱a̱ kɛ rik, kän tëkdä kä ji̱ tɛ̈rä tin dualä kɛ kɛ.

² Mal ɣä tɛ̱̈ɛ̱̈ kä cär ji̱ nyuɔɔni ti̱ti̱, kä gaŋ ɣä kä ca̱a̱p ji̱ la̱t jiäkni ti̱ti̱,

³ tin moth lëëpkiɛn ce̱tnikɛ thiëp, kä yuɔrkɛ lëëpkiɛn ce̱tnikɛ bäär,

⁴ la kɛn kä bär nɛy tin thil bɛ̈ɛ̈l bi̱mä, lakɛn kɛ cua̱ pärikä kɛ ba̱r ɛ thil dual.

⁵ La kɛn cua̱ com ni rɔ̱ kɛ cär ti jiäk, latkɛn ni ɣöö bikɛ naath dɛp, ruac kɛn i̱, “Ɛŋa mi bikɛ nɛn?

⁶ Kä ɛŋa mi bi tit ni lätkɔn? Kɔn canɛ ca̱p mɛɛtdä mi thuɔ̱k la̱t.” Kɛ ɣöö cär lɔaac ran bumɛ kɛ ɣöö dëëkɛ mal ŋa̱c.

⁷ Duundɛ ɣöö bi Kuoth kɛ ba̱r, bɛ kɛ moc kɛ buɔ̱ɔ̱t kɛ pɛ̈th.

⁸ Kä bɛ kɛ jak kä däk kɛ lëëpkiɛn, kä bi nɛy diaal tin bikɛ nɛn wuɔ̱thkiɛn tiŋ kɛ dual.

⁹ Kä bi nɛy diaal dual, kä bikɛ tin ci Kuoth kɛ la̱t lat. Kä bikɛ min cɛ la̱t ŋa̱c.

¹⁰ Kä ɛ ji̱ cuŋni lo̱ckiɛn tɛth rɛy Kuɔth Nhial, kä akɛ lua̱kɛ rɔ̱ jɛ. Kä ɛ nɛy diaal tin gɔw lo̱ckiɛn liakɛ jɛ.