Diit 63 - RUAC KUƆTH IN RƐL RƆ

Ram mi go̱o̱r Kuoth

(Dit Dee-bid ëë kiitdɛ mëë tëë därdɔaar Juda)

¹ Aɣ Kuoth, ɛ ji̱n Kuothdä, ɣän göörä ni ji̱, kä tieeydä go̱o̱rɛ ni ji̱. Puɔ̱nydä go̱o̱rɛ ji̱ ɛlɔ̱ŋ ce̱tnikɛ mun mi kööt, mi ci bak mi go̱o̱r pi̱w.

² Cä ji̱ wä go̱r ni rɛy luaakdu, kɛ ɣöö bä buɔ̱mdu kɛnɛ wuɔ̱tdu nɛn.

³ Kɛ ɣöö nhökdu gɔaa ni jɛn kä tëk ɣän bä ji̱ liak.

⁴ Ɣän bä ji̱ liak min ŋuɔtdä teekä. ɣän bä tetkä tar nhial kɛ kui̱ cio̱tädu.

⁵ Ci tieeydä ro̱ŋ kɛ mi̱eth mi gɔaa, ɣän bä ji̱ puany kɛ tɛ̈th lɔaac.

⁶ La caarä ji̱ mi cä tɔ̱ɔ̱c rɛy dhaŋädä, la tiɛɛmä ji̱ kɛ thaakni wa̱r diaal.

⁷ Kɛ ɣöö ɛ ji̱n la luääkdä mɔ, Ɣän bä ji̱ puany kɛ tɛ̈th lɔaac ti̱pä pua̱a̱nydu.

⁸ Tieeydä cɛ rɔ ka̱p ni ji̱, ku ɣä luak kɛ buɔ̱mdu.

⁹ Duundɛ ɣöö nɛy tin görkɛ näkdä, bi kɔŋ li̱w nikɛn kä ɣä.

¹⁰ Kɛn ba kɛ näk ko̱o̱r, kä bikɛn a mi̱eth kä jio̱o̱k nyapëc.

¹¹ Duundɛ ɣöö bi lɔc kua̱r tɛɛth rɛy Kuɔth, kä bi nɛy diaal tin yäc kɛ ciöt Kuɔth, ba Kuoth liak, kä ba ruaacni ji̱ kacä cu jakä bit.