Diit 57 - RUAC KUƆTH IN RƐL RƆ

Pal kɛ kui̱ lua̱k kä gua̱n tɛ̈r

(Dit Dee-bid mëë kiitdɛ mëë barɛ rɔ kɛ Thɔɔl rɛy kɔ̱a̱kni)

¹ A lɔcdu kɔ̱c kɛ ɣä lö Kuoth, ɛ lɔcdu kɔ̱c kɛ ɣä, Kɛ ɣöö ɣän bä luäk jek kä ji̱. Ɣän bä rɔ tɛ̱̈ɛ̱̈ piny gɔ̱ɔ̱ku, amäni mi ci rik diaal thuɔ̱k.

² Ɣän cɔalä ni Kuoth in Di̱t ni Jɛn, jɛn Kuoth in ci ruacdɛ cuɔ̱p kɛ kui̱dä.

³ Bɛ jäk ni nhial kä bɛ ɣä luäk, kä bɛ nɛy tin dɔanykɛ ɣä piny moc kɛ pöc. Kuoth bɛ nhökdɛ min thil pek kɛnɛ thuɔ̱kdɛ jäk kä ɣä.

⁴ Ci nɛy ti ce̱tkɛ lony ɣä göl piny, nɛy ti ce̱tkɛ ley ti cam naath, kä moth lɛckiɛn ce̱tnikɛ mutni kɛnɛ bääri, kä moth lëëpkiɛn ce̱tnikɛ thɛp.

⁵ Ɛ ji̱ liakɛ ni pua̱a̱ri nhial lö Kuoth, kä ɛ buɔ̱mdu thiääŋ wi̱c muɔ̱ɔ̱n ni kɛɛliw.

⁶ Ci ji̱ tɛ̈r ɣä dɛp kɛ cambak, ci rik ɣä ku cuc. Ci ji̱ tɛ̈rä kɔ̱a̱k tɛt dupdä, duundɛ ɣöö ci pɛn ni kɛn thi̱n.

⁷ Cä lɔcdä rialikä lö Kuoth, cä lɔcdä rialikä, ɣän bä ki̱et kä bä ji̱ puany.

⁸ Ɣän bä keer! Kä bä thuɔmnikä puɔ̱t! Ɣän bä Kuoth liak ɛ /ken ɣɔw ni baak.

⁹ Aɣ, Kuoth bä ji̱ la̱r tɛ̈th lɔaac rɛy dööri diaal, bä ji̱ puany rɛy dööri diaal.

¹⁰ Kɛ ɣöö nhökdu min thil pek cɛ räth ni pua̱a̱r, kä ŋa̱thdu min di̱i̱t cɛ cop ni rɛy pua̱a̱ri.

¹¹ Ɛ ji̱ liakɛ ro̱o̱l nhial lö Kuoth, kä ɛ wuɔ̱tdu ro̱ŋ wi̱c muɔ̱ɔ̱n kɛɛliw.