Diit 55 - RUAC KUƆTH IN RƐL RƆ

Pal raam mi yakɛ ɛ määthdɛ

(Dit Dee-bid)

¹ Liŋ palä lö Kuoth /cu ɣä ɣɔ̱th mi la̱ŋä ji̱.

² Liŋ ɣä kä loc ɣä, ci cärkä ɣä cuc.

³ Kä ɣä cä dual kɛ rɔal ji̱ tɛ̈rä, kɛnɛ ciaaŋ jiääk ji̱ nyuɔɔni. Kɛn cikɛ ɣä nöŋ riɛk, la kɛn ɣä cua̱ mak kɛ gak.

⁴ Ci lɔcdä baath kɛ dual, dual li̱eth cɛ ben kä ɣä.

⁵ Dual kɛnɛ lath ca ɣä käp, cɛ puɔ̱nydä ŋɛr kɛ dual.

⁶ Kä cua̱ wee i̱, “Duŋ mi kua̱ te kɛ gɔ̱k ce̱tkɛ guuk! Dëë pär ni guäth mi nɔ̱a̱n mi wa̱a̱ lɔ̱a̱ŋ thi̱n.

⁷ Ɣän dëë la pa̱rä guäth mi nɔ̱a̱n, dëë ciëëŋdä la̱t ni däär dɔaar.

⁸ Dëë mal wä guäth cieŋädä kɛ pɛ̈th, guäth mi nɔ̱a̱n kɛ thul kɛnɛ ruɔth.”

⁹ Kuäär ku cärkiɛn däk, kä nyon lëëpkiɛn, kɛ ɣöö ɣän nɛ̈nä ni gak kɛnɛ nyi̱r rɛy wec.

¹⁰ Kɛ wäär kɛnɛ cäŋdäär la jälkɛn ni jio̱k käli, kä te rik kɛnɛ bɛ̈c bɛ̈ɛ̈c rɛydɛ.

¹¹ Da̱k a thi̱n rɛydɛ, la̱tkɛ ni yaak kɛnɛ ciaaŋ jiääk rɛy duɔ̱pni wec.

¹² Duŋ mi lɛɛŋ ɣä gua̱n tɛ̈r, dëë jɛ rut, kä mi ɛ gua̱n gaakdä liak rɔ mɔ kɛ ɣä, dëë rɔɔdä tɛ̱̈ɛ̱̈ kɛ jɛ.

¹³ Duundɛ ɣöö ɛ ji̱n ram mi ce̱tkɛ ɣä, ɛ ji̱n raan ja̱l kɛ̈ɛ̈lä mi määthdä.

¹⁴ Ɛ ji̱n ram min la muɔŋ kɛ ɣä, kä la wä kɔn luaak Kuɔth ni kɛɛl kɛ muɔŋ.

¹⁵ Aɣ Kuoth ɛ ji̱ tɛ̈rä li̱w nikɛ ŋuɛɛtdiɛn, akɛ wä ni jɔɔkni a tëk kɛn, akɛ ɣöö cieŋ gua̱n jiäkni rɛydiɛn.

¹⁶ Duundɛ ɣöö ɣän la cɔalä ni Kuoth, kä jɛn Kuoth Nhial la luäkɛ ɣä.

¹⁷ Kɛ thiaŋ kɛnɛ runwaŋ amäni cäŋdäär, la wiee ɣä kɛ jiath lɔaac, kä jɛn la liŋɛ jɔwdä.

¹⁸ Kä jɛn la luäkɛ ɣä a thil riɛk rɛy köör mi tɛ̈ɛ̈rä, kɛ ɣöö nɛy ti ŋuan gakɛ kɛ ɣä.

¹⁹ Bi Kuoth in te kuäärä mi do̱raar kɛ liŋ kä bɛ kɛ luɔc ni piny, kɛ ɣöö /cikɛ rɔ̱ ri̱t kä /cikɛ Kuoth luth.

²⁰ Ci määthdä mäthnikɛ mak cɛ mat ruacdɛ däk.

²¹ Puɔth rieetkɛ ce̱tnikɛ liɛɛth duundɛ ɣöö cɛ lɔcdɛ la̱th ko̱o̱r. Kä puɔth rieetkɛ ce̱tnikɛ liɛɛth, duundɛ ɣöö tëmkɛ ce̱tnikɛ mut.

²² Kämni riku Kuoth Nhial, kä jɛn bɛ ji̱ kän thi̱n, kɛ ɣöö cɛ nɛy tin gɔw la jak kä cuc.

²³ Duundɛ ɣöö lö Kuoth, ɣɔk nikɛ piny rɛy kɔ̱kä min te pinyi. Kɛn nɛy na̱a̱k nath kä tɔ̱ ji̱ mɛɛtdä, ɛ kɛ /ca tha̱a̱ŋ teekädiɛn cup. Duundɛ ɣöö ɣän bä ŋäth ni ji̱.