Diit 53 - RUAC KUƆTH IN RƐL RƆ

Ram mi dɔ̱a̱r mi thil ŋa̱th

(Dit Dee-bid)

¹ La nɛy ti dɔa̱a̱r a ruac kä rɔ̱ɔ̱diɛn wäkɛ i̱, “Thilɛ ɣɔw Kuoth.” kɛn diaal cikɛ jiäk, kä lät kɛn ni dueeri, thilɛ ram kɛl mi lät mi gɔaa.

² Kä la Kuoth naath a guic ni nhial, kɛ ɣöö bɛ ŋa̱c mi tëë kɛ nɛy ti pɛl kä kɛ, ti görkɛ guur Kuɔth.

³ Ci kɛn diaal cu bath kä cikɛ jiääk ni kɛn diaal, thilɛ ram kɛl mi lät mi gɔaa, thilɛ ɛ cäŋɛ ram kɛl.

⁴ Ɛ ku kɛn nɛy ti la̱a̱t jiäkni ti̱ti̱ thil ŋäc ŋɔaani, kɛn nɛy tin camkɛ nɛɛkä ce̱tkɛ mi camkɛ ni juray, kɛn nɛy tin /ca Kuoth pal?

⁵ Bikɛ tekɛ dual mi di̱i̱t ɛlɔ̱ŋ ɛn wi̱ni, dual mi /ken met tuɔɔk. Kä bi Kuoth cɔ̱w nɛɛni tin makɛ ji̱ riaw kä dɔɔr, kä bikɛ moc kɛ pöc, kɛ ɣöö ci Kuoth kɛ lo̱k.

⁶ Ɛ dëë ka̱n I-thɛ-rɛl ku ben raar kä Dha-yɔn! Mi wä Kuoth nɛɛkɛ wä luɔ̱ɔ̱c jɔk! Kä bi Je-kɔb tekɛ tɛ̈th lɔaac, kä bi lɔc I-thɛ-rɛl cu gɔaa.