Diit 52 - RUAC KUƆTH IN RƐL RƆ

Luk Kuoth kɛnɛ puɔ̱th

(Dit Dee-bid mëë kɛtdɛ mëë ci Do-yeg raan Ɛ-dɔm ben kɛ ɣöö bɛ Thɔɔl ben jiök i̱, “Dee-bid cɛ ben dhɔɔr Ä-ɣi-mɛ-lɛk”)

¹ Ɛŋu mi liaki rɔ lö ram mi bum, ɛ kac in lat, kɛ kui̱ gɔɔyä Kuɔth?

² Kɛ cäŋ kɛɛliw car ni nyin däkä, moth lɛpdu ce̱tnikɛ re̱e̱t, ji̱n ram mi läät jiäkni.

³ Nhɔki ni mi jiääk ɛlɔ̱ŋ kä mi gɔaa, kä ŋuan ni ka̱a̱cniku kä thuɔ̱ɔ̱ku.

⁴ Nhɔki ni rieet tin da̱kɛ naath, lö gua̱n luɔm.

⁵ Duundɛ ɣöö bi Kuoth ji̱ to̱lkä piny amäni cäŋ kɛl, kä bɛ ji̱ yuɔ̱th raar dueelu kä bɛ ji̱ cuɔny, kä bɛ ji̱ ka̱m ni raar muun in tëk naath thi̱n.

⁶ Kä bi ji̱ cuŋni guic kä bikɛ dual, kä bikɛ jɛ dɔl wäkɛ i̱,

⁷ “Guɛcɛ ram mëë lo̱k ɣöö bi gääŋdɛ a Kuoth, mëë ŋääth ni kuakɛ ti ŋuan, kä cuɛ go̱r ni ria̱ŋ kɛ däk nɛɛni tin kɔ̱ŋ.”

⁸ Duundɛ ɣöö kua̱ lɛ ce̱tnikɛ jiath Ɔ-lip mi tɔ̱c rɛy luaak. Ɣän ŋa̱a̱thä ni nhök Kuɔth in thil pek, amäni cäŋ kɛl.

⁹ Ɣän bä ji̱ puany amäni cäŋ kɛl, kɛ kui̱ kä min ci la̱t, nhiam nɛɛniku tin gɔw, ɣän bä ciötdu lat ɛn ɣöö gɔaaɛ.