Diit 5 - RUAC KUƆTH IN RƐL RƆ

Pal kɛ kui̱ ga̱ŋ

(Dit Dee-bid)

¹ Liŋ rieetkä lö Kuoth Nhial, liŋ jɔw pärädä.

² Liŋ wieedä Kuäärä kä Kuothdä, kɛ ɣöö palä ni ji̱.

³ La liŋi palä kɛ runwaŋ lö Kuoth Nhial, ni ciaŋ kɛ runwaŋ la la̱rä ji̱ tin göörä, kä la liɛpä luɔcdiɛn.

⁴ Kɛ ɣöö /ciɛ ji̱n Kuoth mi nhɔk ni nyuɔɔn, kä /ci mi jiääk dëë te kɛɛl kɛ ji̱.

⁵ Kä /ci gua̱n liakä dëë cuɔ̱ŋ nhiamdu, kɛ ɣöö lo̱ki ji̱ la̱t jiäkni diaal.

⁶ Kä la tɔ̱ɔ̱ŋi ji̱ ka̱a̱cni diaal, kä lo̱ki na̱a̱k nath kɛnɛ ji̱ mɛɛtdä.

⁷ Kä kɛ kui̱ nhök in thil pek, ɣän bä ben pal ni luaakdu. Bä rɔ ben ka̱m mua̱a̱l ni rɛy luaakdu, min rɛl rɔ kɛ luth.

⁸ Bo̱th ɣä lö Kuoth Nhial rɛy gɔɔyädu, kɛ ɣöö ŋuan ji̱ tɛ̈rä, bo̱th ɣä kɛ duɔ̱ɔ̱pdu min cuŋ.

⁹ Kɛ ɣöö thilɛ thuɔ̱k mi latkɛn ɛ, te ni da̱k lɔɔcdiɛn, ce̱t rölkiɛn nikɛ kɔ̱a̱k kunyä, kä mɛt kɛn ni naath.

¹⁰ Kämni dueriɛn nikɛ lö Kuoth, kä ɛ ca̱a̱pkiɛn ku pɛn ni wi̱i̱diɛn. Kɛ ɣöö ŋuan dueerkiɛn, woc kɛ, kɛ ɣöö cikɛ luɔ̱c ni rɔ̱ ji̱.

¹¹ Duundɛ ɣöö ɛ nɛy diaal tin guɔ̱ɔ̱rkɛ ji̱ jëkɛ tɛ̈th lɔaac, kä ala ki̱t nikɛn kɛ tɛ̈th lɔaac. Gaŋkɛ, kɛ ɣöö nɛy tin ŋa̱thkɛ ciötdu, bi lo̱ckiɛn tɛɛth kɛ ji̱.

¹² Kɛ ɣöö ɛ puc lö Kuoth Nhial la pothi ji̱ cuŋni, la kum nhökdu kɛ ce̱tnikɛ ko̱t.