Diit 47 - RUAC KUƆTH IN RƐL RƆ

Ruey Ɣɔaa ni Kuoth

(Dit gan Kora)

¹ Patdɛ tetkun, yɛn döör diaal! Puanyɛ Kuoth kɛ diit tɛthkä lɔaac kɛ jɔw mi di̱i̱t!

² Kɛ ɣöö Kuoth Nhial ni Kuoth in Dit ni Jɛn ɛ mi gääy naath, ɛ Kuäär in dit ni jɛn wi̱i̱ muɔ̱ɔ̱n kɛɛliw.

³ Cɛ kɔn ka̱m juc nath, kä cɛ kɔn ka̱m rui̱c dööri.

⁴ Cɛ kɔn mëk mundan min la liak kui̱ Je-kɔb in nhɔkɛ.

⁵ Ci Kuoth rɔ jiɛc kɛ diit tɛthkä lɔaac, ɛn Kuoth Nhial cɛ rɔ jiɛc kɛ jɔw kaaŋä.

⁶ Këtdɛ Kuoth diit puɔnyä, kɛ̈tdɛ diit liakä! Këtdɛ Kuääran diit puɔnyä, kɛ̈tdɛ diit liakä!

⁷ Kɛ ɣöö Kuoth ɛ Kuäär wec muɔ̱ɔ̱n kɛɛliw, puanyɛ jɛ kɛ diit liakä!

⁸ Kuoth ɛ rueec dööri, jɛn tëë nyuurä wi̱i̱ kɔam kuäärädɛ min rɛl gɔɔydɛ rɔ.

⁹ Cu ruëëc nath rɔ̱ dol cukɛ mat kɛ nɛɛ Kuɔth A-bɛ-ram. Kä kua̱r wec muɔ̱ɔ̱n kɛ nɛɛ Kuɔth, liakɛ jɛ ɛlɔ̱ŋ.