Diit 46 - RUAC KUƆTH IN RƐL RƆ

Ga̱ŋ Kuɔth kɛ nɛɛkɛ

(Dit gan Kora)

¹ Kuoth ɛ gääŋdan kä ɛ buɔ̱mdan, kä la luäkɛ naath kɛ rik.

² Kɛ kui̱c ɛmɔ, /cakɔ bi dual cäŋ bi piny rɔ rit, ɛ cäŋ bɛ pääm lath ni piny yiëër,

³ ɛ cäŋ bi pi̱ yiëër röt ro̱t kä bi pääm thia̱y kɛ lath.

⁴ Tëëkɛ kir mi no̱ŋ pi̱kɛ wec Kuɔth tɛ̈th lɔaac, gua̱a̱th cieŋä Kuɔth in Dit ni Jɛn min rɛl gɔɔydɛ rɔ.

⁵ Te Kuoth rɛy wec thilɛ mi bi wec wany, bi Kuoth ɛ luäk ni bakä ɣɔaa.

⁶ Döör cikɛ dual, kä cɛ kuääri lath, cɛ jɔwdɛ kap nhial, kä cu piny thia̱y.

⁷ Te Kuoth Nhial in la Ruey Ɣɔaa kɛɛl kɛ kɔ, Kuoth Je-kɔb ɛ gääŋda.

⁸ Bër nɛn lät Kuɔth Nhial, nɛnɛ cɛ wi̱c muɔ̱ɔ̱n jak kä day i̱di.

⁹ Cɛ ko̱o̱ri ka̱p cuɔ̱ŋ pëkni ɣɔaa diaal, cɛ bääri töl kɛnɛ mutni, cɛ köötni waŋ kɛ mac!

¹⁰ “Pa̱lɛ rɔ̱ piny, ŋa̱cɛ jɛ ɛn ɣöö ɛ ɣän Kuoth! Di̱t ni ɣän rɛy dööri, di̱t ni ɣän wi̱i̱ muɔ̱ɔ̱n!”

¹¹ Te Kuoth Nhial in la Ruey Ɣɔaa kɛɛl kɛ kɔ, Kuoth Je-kɔb ɛ gääŋda.