Diit 44 - RUAC KUƆTH IN RƐL RƆ

Pal kɛ kui̱ ga̱ŋ

(Dit gan Kora)

¹ Kä ɛ jɛn ci nɛy ɛ ku liŋ nikɛ ji̱thkɔ lö Kuoth Nhial, kä ci gua̱nikɔ kɛ la̱rkɔ, kɛn lätku diaal tëë ci la̱t rɛy ni̱nikiɛn, kɛn ni̱n tëë wal.

² Nikɛ tetdu curi döör diaal tuɔ̱k raar, kä curi gua̱ndɔɔŋnikɔ la̱th muundiɛn, curi döör tin kɔ̱ŋ moc rik, kä päli gua̱ndɔɔŋnikɔ baaŋ.

³ Kä /ciɛ mutdiɛn ɛ nëë kän kɛnɛ ni mun, kä /ciɛ buɔ̱mdiɛn ɛn nëë juɔckɛ naath. Duundɛ ɣöö ɛ buɔ̱m tetädu kɛnɛ ta̱a̱du kɛɛl kɛ kɛ kɛ ɣöö nhɔki kɛ.

⁴ Ɛ ji̱n Kuäärä kä Kuothdä, kä ci Je-kɔb ka̱m juc nath.

⁵ Kɛ buɔ̱mdu ca̱kɔ ji̱ tɛ̈ra joc, kä kɛ ciötdu cakɔ ji̱ kööra joc.

⁶ Kɛ kui̱ ɛmɔ /cä lɛ ŋäth ni bäärä, kä /ci mutdä ɣä dëë nöŋ juc nath.

⁷ Kä ji̱n curi nɛy luäk kä ji̱ tɛ̈ra, kä curi ca̱r nɛɛni tin lökɛ kɔ nyon.

⁸ Laak nɛy rɔ̱ rɛy Kuɔth ni ciaŋ, kä bakɔ ji̱ la̱r tɛ̈th lɔaac amäni cäŋ kɛl.

⁹ Duundɛ ɣöö ji̱n täämɛ ci kɔ lo̱k kä cikɔ pa̱l jɔ̱ɔ̱r. Ci ja̱l kɛ̈ɛ̈l kɛ rɛmda päl.

¹⁰ Kä ci nɛy jakä ɛ ji̱ tɛ̈ra juɔckɛ ci ji̱ tɛ̈ra kuakɔ pɛc.

¹¹ Ci nɛy jakä ce̱tnikɛ det ti waa ŋuɔ̱t, ci nɛy riaw kä rɛy dööri diaal.

¹² Ci nɛɛku kɔak kɛ pek mi tɔt, thilɛ mi di̱i̱t mi go̱o̱ri kɛ kui̱diɛn.

¹³ Täämɛ cikɔ jak kä dɔalkɛ ɛ döör, dɔalkɛ kɔ kä lɛ̈ŋkɛ kɔ ɛ nɛy tin thia̱k kɛ kɔ.

¹⁴ Cikɔ cu jakä buɔykɛ ɛ döör, ɛ tiŋkɛ ni kɔ wuɔ̱th ɛ naath.

¹⁵ Ɣän la te ni pöc nhiamdä ni ciaŋ, ɛ kä ci buar ɣä cu kum,

¹⁶ kɛ rieet nɛɛni tin dɔalkɛ ɣä ni nhiam ji̱ tɛ̈rä kɛnɛ nɛy tin görkɛ cut.

¹⁷ Cu ti diaal ti̱ti̱ pɛn wi̱i̱da, ɛ cäŋ min /ka̱nkɔ ji̱ pa̱l ruëëc, kä /ka̱nkɔ mat ruac däk.

¹⁸ /Ken lo̱ckɔ rɔ̱ ri̱et jɔk, kä /ka̱nkɔ ciɛc dupdu.

¹⁹ Kä curi däk ni kɔ curikɔ jak kä gua̱a̱th cieŋä guɔɔri, curi cu kum ni kɔ kɛ muth.

²⁰ Mi cakɔ ciöt Kuɔthda pa̱l ruëëc, kiɛ cakɔ pal ni Kuoth mi dɔ̱ŋ,

²¹ ɛ puc, ji̱n deri nɔmɔ dhil ŋa̱c, kɛ ɣöö ji̱n ŋäc cär lo̱cni nath.

²² Kä kɛ kui̱du la na̱kɛ kɔ ni ciaŋ, ce̱t nɛy kɛ det ti waa ŋuɔ̱t.

²³ Ku rɔ jiɛc, ɛŋu lö Kuäär? Jiɛc rɔ, cu nɛy lɛ päl amäni cäŋ kɛl!

²⁴ Ɛŋu mɔ teeyi rɔ mɔ? Ɛ ci rikɔ kɛnɛ ciaaŋ jiääkda ku pa̱l ruëëc?

²⁵ Ca kɔ kuɛr ni piny, ci pua̱nykɔ dɔp ni piny.

²⁶ Jiɛc rɔɔdu bër luäkɔ ku kɔ kän kɛ kui̱ nho̱kädu.