Diit 43 - RUAC KUƆTH IN RƐL RƆ

Pal kɛ kui̱ ga̱ŋ

(Dit Gan Kora)

¹ Ga̱ŋ ɣä ɛ ji̱n lö Kuoth, guic lukdä kɔnɛ döör ti thil Kuoth ti, luäk ɣä kä nɛy ti ji̱ mɛɛtdä ti nɛy tin la̱tkɛ jiäk.

² Kɛ ɣöö ɛ ji̱n Kuoth in cä tëkdä lɛ̱̈ny thi̱n, ɛŋu mi deri lo̱kni ɣä? Kä ɛŋu mɔ ja̱lä kɛ wiee ɔ kɛ ɣöö yɔŋ gua̱n tɛ̈r ɣä?

³ Jäk ni ɣä kä buaydu kɛnɛ thuɔ̱kdu, akɛ ba ɣä ben bo̱th, akɛ naŋkɛ ɣä guäth cieŋädu wi̱i̱ pa̱a̱mdu min rɛl rɔ.

⁴ Kä ɛ jɛn bä cu wä ni wi̱i̱ yi̱kä Kuɔth, bä wä nikä Kuoth in nhɔakä kä tɛɛth lɔcdä. Ɣän bä ji̱ puany kɛ diit kɛ thom lö Kuoth ni Kuothdä.

⁵ Ɛŋu gaki mɔ lö tieeydä? Kä ɛŋu /ci bit ɔ rɛydä? Bä ŋäth ni Kuoth kɛ ɣöö bä nyɔk kɛ mi puanyä jɛ, ɛn luääkdä kä Kuothdä.