Diit 42 - RUAC KUƆTH IN RƐL RƆ

Bok Rɛw ( Diit 42—72 ) Pal raam mi te pɛɛcä

(Dit gan Kora)

¹ Tieeyda go̱o̱rɛ ji̱ lö Kuoth ce̱tnikɛ min la ley pi̱w a go̱o̱r.

² Tieeydä go̱o̱rɛ Kuoth, go̱o̱rɛ Kuoth in tëk. Kä ɛ nɛy bä ji̱ wä pal ɔ lö Kuoth?

³ Ci merkä ce̱tnikɛ mi̱eth kä ɣä kɛ wäär kɛnɛ cäŋ däär, la naath ɣä cua̱ thiec ni ciaŋ wäkɛ i̱, “Kä Kuothdu anikä?”

⁴ Ŋɔak ti̱ti̱ la caarä kɛ, mi ci lɔcdä jiääk, ɛn ɣöö ɣän la bööthä naath ti ŋuan rɛy luaak Kuɔth, kä la kɛ̈tkɛ diit tɛthä lɔaac liakɛ Kuoth kɛ cäŋ ti̱mä

⁵ Kä ɛŋu gaki mɔ lö tieeydä? Kä ɛŋu mɔ /ci bit ɔ rɛydä? Kä bä nyɔk ni Kuoth kɛ mi puanyä jɛ,

⁶ aɣ käändä kä Kuothdä, Ci lɔcdä baath ɛlɔ̱ŋ, kɛ kui̱ ɛmɔ, ɣän bä car ni ji̱, muun Jɔr-dɛn kɛnɛ Ɛr-mon, kɛ wi̱c pa̱a̱m Mi-dhɔr.

⁷ Rik bä nikɛn kä bäkɛ, wuɔ̱wkɛ ce̱tnikɛ wuɔ̱w pi̱i̱ni ti lony jɔk. kä curi ɣä kuɔ̱m piny kɛ rik ce̱tnikɛ muaŋ.

⁸ Kɛ cäŋdäär bi Kuoth Nhial nhökdɛ jäk kä ɣä, kä kɛ wäär bä diit kɛt, kä bä Kuoth teekädä cu pal.

⁹ Kä cua̱ gääŋdä ni Kuoth jiök i̱, “Ɛŋu mɔ ci ɣä pa̱l ruëëc ɔ? Kä ɛŋu mɔ ja̱lä kɛ wiee ɔ mɔ yɔŋ gua̱n tɛ̈r ɣä mɔ?”

¹⁰ Ci kuëëthdiɛn ɣä dhiɛl ni piny ce̱tnikɛ buɔ̱t pua̱a̱ny, la kɛn ɣä cua̱ thieec ni ciaŋ wäkɛ i̱, “Kä Kuothdu anikä?”

¹¹ Kä ɛŋu gaki mɔ lö tieeydä? Kä ɛŋu /ci bit ɔ rɛydä? Ŋäth ni Kuoth, kɛ ɣöö bä nyɔk kɛ mi puanyä jɛ, ɛn luääkdä kä Kuothdä.