Diit 41 - RUAC KUƆTH IN RƐL RƆ

Pal raam mi cuc

(Dit Dee-bid)

¹ Tɛ̈th lɔaac akɛ ram mi tiit can, kä bi Kuoth Nhial kɛ luäk kɛ gua̱a̱th cucädiɛn.

² Bi Kuoth Nhial kɛ gaŋ kä bɛ tëkdiɛn luäk. Kä bɛ kɛ cɔl ni ti ca poth rɛy wec. Kä /cɛ bi pa̱l ya̱k kä ji̱ tɛ̈riɛn.

³ Bi Kuoth Nhial jueydiɛn woc mi wä kɛ wä tɔ̱ɔ̱c, bɛ kɛ nyɔk kɛ jiëc köli tin cikɛ tɔ̱ɔ̱c thi̱n.

⁴ Duundɛ ɣöö kɛ kui̱dä bä ruac i̱, “Aɣ Kuoth Nhial, a lɔcdu kɔ̱c kɛ ɣä, ku ɣä pälikä kɛ ɣöö cä ji̱ lät kä dueer.”

⁵ Kä ruac ji̱ tɛ̈rä a jiäk wäkɛ i̱, “Bɛ kulɛ li̱w i̱ nɛy ɛ bi ciötdɛ cu bath?”

⁶ Kä mɔ ba ɣä ben gui̱l ɔ, la kɛn ruac mi baŋ a lat, kä thiäŋ lo̱ckiɛn kɛ tiɛɛl, kä mɔ lockɛ jɔk ɔ, la kɛn ɛ cua̱ lat raar.

⁷ Löökä diaal mua̱thnikɛn kɛ kui̱dä kä carkɛn ni mi jiääk kɛ kui̱dä.

⁸ Kä caar kɛnɛ ci mi jiääk ben kä ɣä, a /cä rɔ bi lɛ nyɔk kɛ jiɛɛn guäth in cä tɔ̱ɔ̱c thi̱n.

⁹ Ɛ cäŋɛ ni mäthnikä tin ŋa̱a̱thä tin cakɔ mi̱th ni kɛɛl, cikɛ rɔ̱ ri̱et ɣä ala ji̱ gaakdä.

¹⁰ Duundɛ ɣöö lö ji̱n Kuoth Nhial kulɛ gɔaa kɛ ɣä, kapni ɣä nhial kɛ ɣöö dëë jɛ lɛ cuɔ̱lkɛ.

¹¹ Cä jɛ kulɛ ŋa̱c ɛn ɣöö ji̱n tɛth lɔcdu kɛ ɣä, ɛ jɛn /ken gua̱n tɛ̈rä rɔ liak kɛ ɣä mɔ.

¹² Bi ɣä luäk kɛ ɣöö cä la̱t ni ti gɔw, ku ɣä jak kä te nhiamdu amäni cäŋ kɛl.

¹³ Liakɛ Kuoth Nhial ni Kuoth I-thɛ-rɛl, liakɛ jɛ amäni cäŋ kɛl. Inɔnɔ, inɔnɔ.