Diit 4 - RUAC KUƆTH IN RƐL RƆ

Pal thiaŋ kɛ kui̱ lua̱k

(Dit Dee-bid)

¹ Liŋ ɣä mi cɔalä ji̱ lö Kuoth cuŋnikä! luäk ɣä kä rikä, kä a lɔcdu kɔ̱c kɛ ɣä, kä liŋ palä.

² Bɛ kulɛ amäni nɛy kä yɛn naath, mɔ bi yɛn gɔɔydä loc ni jiääk ɔ? Kä bɛ amäni nɛy bi yɛn nhɔk ni lɔar kɛnɛ kuth baaŋ ɔ?

³ Ŋa̱cɛ jɛ ɛn ɣöö Kuoth Nhial, cɛ raan ŋäthä ciöl rɔɔdɛ. Kä bi Kuoth Nhial ɣä liŋ mi wa̱a̱ jɛ cɔl.

⁴ Cäŋ gaki /cu dui̱r, kä mi wi̱i̱ tɔ̱ɔ̱c dhaŋädu, cäri kɛ lɔcdu bitdä.

⁵ Lätni mi gɔaa ala muc, kä ŋäth ni Kuoth Nhial.

⁶ Nɛy ti ŋuan thieckɛ i̱, “Ɛŋa mi bi kɔn nyuɔ̱th gɔɔy? Ɛ buay nhiamdu bëë kä kɔ lö Kuoth Nhial!”

⁷ Kä ji̱n ci ɣä moc kɛ tɛ̈th lɔaac mi di̱i̱t, mi leny ni tɛ̈th lɔaacdiɛn, ɛ cäŋ ŋuan bɛlkiɛn kɛnɛ kɔaŋkiɛn.

⁸ Ɣän bä tɔ̱ɔ̱c, kä bä niɛn nikɛ mal, kɛ ɣöö ɛ ji̱n kä rɔa la käändä mɔ, lö Kuoth Nhial.