Diit 38 - RUAC KUƆTH IN RƐL RƆ

Pal raam mi cuc

(Dit Dee-bid kɛ ti̱em tho̱pä mucni)

¹ /Cu ɣä bi luek kɛ ŋɛ̈ɛ̈nydu, lö kuoth Nhial, kä /cu ɣä duäc kä gaki.

² Kɛ ɣöö ci bääriku cuit kɛ duäc pua̱a̱nydä, kä ci tetdu ɣä kuɛr ni piny.

³ Ci puɔ̱nydä thia̱ŋ kɛ liaw kɛ kui̱ ŋɛnyädu, kä moothɛ cɔ̱wkä diaal, kɛ kui̱ dueerikä.

⁴ Ci dueerkä ɣä kum ɛ dur, a cikɛ cua̱ ɣa̱c mi thiɛkɛ ɛ li̱ŋ kä ɣä.

⁵ Kɛ kui̱ dɔ̱ɔ̱rädä, ɛ jɛn bothɛ ni buɔ̱ɔ̱tkä mɔ kä däkɛ kɛ.

⁶ Cä cua̱ ram mi te piny mi ci go̱k kɛ bɛ̈c pua̱a̱ny. Kä ɣän ja̱lä kɛ pa̱r kɛ cäŋ kɛɛliw.

⁷ Ci puɔ̱nydä waaŋ kɛ juey, cä cu thia̱k kɛ lia̱a̱.

⁸ Ɣän cä thuuk a cä duɔ̱p, ku daar ni ɣän kɛ wiee kɛ bɛ̈c lɔacdä.

⁹ Ji̱n ŋäci tin diaal tin göörä lö Kuäär ni Kuoth Nhial, kä liŋi nho̱o̱knidä kɛ rɔ.

¹⁰ Ci lɔcdä baath, kä ci buɔ̱mdä thuɔ̱k, kä ci nëndä kuɛ̈ɛ̈ bä.

¹¹ Kä ci mäthnikä kɛnɛ ji̱ thiekädä ɣä gɛy kɛ kui̱ buɔ̱ɔ̱tnikä, kä ci ji̱ maarädä rɔ̱ nɔ̱a̱n kɛ ɣä.

¹² Kä nɛy tin görkɛ näkdä cikɛ ɣä dɛp, kä nɛy tin görkɛ muɔ̱cdä buɔ̱t ruackɛ ni däkä, kä caar kɛn ni mi jiäk kɛ kui̱dä kɛ cäŋ kɛɛliw.

¹³ Duundɛ ɣöö ɣän cä ce̱tnikɛ ram mi miŋ, /cä lɛ thëŋ, ca̱tdä nikɛ ram mi miŋ mi /ci dëë met ruac.

¹⁴ Cä ce̱tnikɛ ram in /ci la thëŋ, mi ci mi jiääk dëë ben raar thokdɛ.

¹⁵ Duundɛ ɣöö ɣän bä lip ni ji̱ lö Kuoth Nhial, ɛ ji̱n Kuoth Nhial ni Kuothdä ɛnɔ bi jɛ loc ɔ.

¹⁶ Kä cua̱ pal wa̱a̱ i̱, “/Cukɛ jak kä ba ɣä dɔl, kɛn nɛy ti la liakɛ rɔ̱ ti mi ca ɣä joc.”

¹⁷ Kɛ ɣöö ɣän cä thia̱k kɛ tëth, kä bɛ̈c pua̱a̱nydä tëë thi̱n ni ciaŋ.

¹⁸ Ɣän cä dueerkä lat, ɣän cä tɔa̱a̱ŋ kɛ dueerkä.

¹⁹ Kä nɛy tin gak kɛ ɣä baaŋ bumni kɛn, kä ŋuan ni nɛy tin lökɛ ɣä kɛ mi thil thar.

²⁰ Kä nɛy tin cuɔlkɛ mi gɔaadä kɛ mi jiääk, kɛ kɛn ji̱ tɛ̈rä pa̱ny kɛ ɣöö guɔ̱ɔ̱rä ni min gɔaa.

²¹ /Cu ɣä lɛ päl lö Kuoth Nhial, /cu lɛ nɔ̱a̱n kɛ ɣä lö Kuothdä,

²² bër luäk ɣä kɛ pɛ̈th, lö Kuäär ni Kuoth Nhial, kä käändä.