Diit 36 - RUAC KUƆTH IN RƐL RƆ

Nyuɔɔn ran kɛnɛ gɔɔy Kuɔth

(Ɛ dit jäŋä Kuɔth ni Dee-bid)

¹ Duer ruacɛ lɔɔc raam mi gua̱n nyuɔɔni, jɛn thilɛ luth Kuɔth mi tekɛ jɛ.

² Kä la liakɛ rɔɔdɛ kä rɔa, /cɛ duerɛ nɛn a bɛ jɛ lo̱k.

³ Kä rieetkɛ diaal kɛ ti jiäk kä kɛ ka̱a̱cni, /cɛ pɛl go̱r kɛnɛ gɔy.

⁴ La caar kɛn ni lät ti jiäk rɛy kölikiɛn, kä kɛn la la̱tkɛ ni dueer, /ca mi jiääk lo̱k.

⁵ Kä nhökdu min thil pek lö Kuoth Nhial cɛ cop ni nhial, gɔɔydu cɛ cop ni rɛy pua̱a̱ri.

⁶ Kä cuŋku ce̱tkɛ nikɛ päm mi bum, kä thuɔ̱kdu ce̱tdɛ nikɛ bäpdiit mi lueŋ, kä ɛ ji̱n gaŋ raan ɔ kɛnɛ ley lö Kuoth Nhial.

⁷ Gɔaa nhökdu min thil pek lö Kuoth! La luäk nɛy diaal rɔ̱ ti̱pä gɔ̱ɔ̱kniku.

⁸ La camkɛ mi̱eth mi di̱i̱t dhɔru, kä la jaki kɛ kä mäth kɛ pi̱w kiɛɛru min gɔaa.

⁹ Kä tëk tëë kɛ ji̱, kä kɛ buaydu mocɛ kɔ kɛ buay.

¹⁰ Jakni nhökdu min thil pek kä tekɛ nɛy tin ŋa̱ckɛ ji̱, kä a gɔɔydu tekɛ nɛy tin gɔw lo̱ckiɛn!

¹¹ Kä /cu nɛy tin ji̱ liakä jak kä makɛ ɣä, kä a ji̱ nyuɔɔni /ca ɣä joc raar.

¹² Kä cua̱ ji̱ nyuɔɔni nɛn cakɛ joc, cakɛ ɣɔak piny, /ca rɔ̱ lɛ luäŋ kɛ jiëc.