Diit 33 - RUAC KUƆTH IN RƐL RƆ

Dit puɔnyä Kuɔth

¹ Puanyɛ Kuoth Nhial lö ji̱ cuŋni, kɛ ɣöö ro̱ŋ yɛn kɛ liakdɛ.

² Puanyɛ Kuoth Nhial kɛ thom, pua̱tdɛ jɛ thom mi tekɛ wäŋ wäl!

³ Kä këtdɛ jɛ dit mi pay cak, pua̱tdɛ jɛ thom agɔaa, kä puanyɛ jɛ kɛ jɔw mi di̱i̱t.

⁴ Ruac Kuɔth Nhial ɛ cuɔ̱ŋ, kä lätkɛ diaal kɛ thuɔ̱ɔ̱k.

⁵ Kä jɛn nhɔkɛ ni cuɔ̱ɔ̱ŋ kɛnɛ thuɔ̱k, wi̱c muɔ̱ɔ̱n cɛ thia̱a̱ŋ kɛ nhök Kuɔth Nhial.

⁶ Cu Kuoth Nhial pua̱a̱r cak kɛ ruacdɛ, cuɛ nyin puɔ̱ɔ̱rä diaal la̱t kɛ yiëëdɛ.

⁷ Kä cuɛ pi̱w baar ruɔl guäth kɛl, kä cuɛ bäpdiitni la̱t.

⁸ Ɛ wi̱c muɔ̱ɔ̱n ni kɛɛliw luth Kuoth Nhial, kä a ji̱ ɣɔaa diaal luɔ̱thkɛ jɛ!

⁹ Kä mi cɛ lat, la tuɔɔkɛ, mi cɛ lar, la jɔcɛ.

¹⁰ La Kuoth Nhial cär dööri a jak kä thil luɔt, la yärɛ ca̱a̱p nath.

¹¹ Ruac Kuɔth Nhial tëë thi̱n amäni cäŋ kɛl, wä cär lɔaacdɛ kä ri̱c diaal.

¹² Tɛ̈th lɔaac akɛ do̱r in Kuothdɛ mɔ Kuoth Nhial, nɛy tin cɛ mɛk ala nyinkɛ!

¹³ Kuoth Nhial guicɛ piny ni nhial, jɛn guicɛ gaat nath.

¹⁴ Ni guäth ciɛŋädɛ guicɛ nɛy diaal tin cieŋ wi̱i̱ muɔ̱ɔ̱n,

¹⁵ kɛ ɣöö ɛ jɛn lät lo̱c nɛɛni diaal ɔ, kä ŋäcɛ tin diaal tin la̱tkɛ.

¹⁶ Thilɛ kuäär mi ka̱nkɛ kɛ ŋuan rɛ̈mdɛ, kä thilɛ wääth köör mi leny rɔ kɛ buɔ̱mdɛ.

¹⁷ Jio̱k köör /cɛ naath dëë joc, kä /cɛ naath dëë kän kɛ buɔ̱mdɛ.

¹⁸ Wäŋ Kuɔth Nhial tekɛ kɛɛl kɛ tin luɔ̱thkɛ jɛ, kɛnɛ nɛy tin ŋa̱thkɛ ni nhökdɛ min thil pek,

¹⁹ kɛ ɣöö bɛ kɛ kän li̱th, kä bɛ kɛ jak kä tëk rɛy buath.

²⁰ Bi ti̱eyda lip ni Kuoth Nhial, ɛ jɛn la luääkda kä ko̱tda mɔ.

²¹ Kä ɛ jɛn tɛth lo̱ckɔ kɛ jɛ mɔ, kɛ ɣöö ŋääth nɛy ni ciötdɛ min rɛl gɔɔydɛ rɔ.

²² A nhökdu min thil pek bëë kä kɔ lö Kuoth Nhial, kɛ ɣöö cakɔ ŋa̱thda la̱th kä ji̱.