Diit 32 - RUAC KUƆTH IN RƐL RƆ

La̱t dueeri kɛnɛ pälikä

(Dit Dee-bid)

¹ Tɛ̈th lɔaac akɛ ram in ca dueerkɛ päl, ram in ca dueerkɛ kum.

² Tɛ̈th lɔaac akɛ ram in /ken Kuoth Nhial dueerkɛ kuën jɛ, kɛnɛ ram in thil rɛydɛ kac.

³ Kä mɔ /ka̱n duerä lat ɔ, la bɛc puɔ̱nydä ɛlɔ̱ŋ, kä jiɛth lɔcdä kɛ cäŋ kɛɛliw.

⁴ Kɛ ɣöö la thiɛk tetku kä ɣä ɛlɔ̱ŋ kɛ wäär kɛnɛ cäŋ däär. cu buɔ̱mdä thuuk ce̱tnikɛ min la buut a thuk kɛ leth ma̱y.

⁵ Duundɛ ɣöö ɣän cä duerä la̱r ji̱, kä /ka̱n jiäkä tɛ̱̈ɛ̱̈, Ɣän cä wee i̱, “Cä dueerkä la̱t Kuoth Nhial,” kä curi duerä päl.

⁶ Kɛ kui̱c ɛmɔ, ɛ nɛy tin la nɛɛku palkɛ ji̱, kɛ gua̱a̱th in dëë jek ni ji̱, mi wä nyɔc mi di̱i̱t wä ben, /cɛ kɛ bi cop.

⁷ Kä ɛ ji̱n gua̱a̱th in bä rɔ tɛ̱̈ɛ̱̈ thi̱n, kä ci ɣä gaŋ kä riɛk, kä ci ɣä go̱l kɛ diit känä.

⁸ Kä cu Kuoth Nhial wee i̱, “Ɣän bä ji̱ ŋi̱eec kä bä ji̱ nyuɔ̱ɔ̱th kɛ duɔ̱ɔ̱p in bi wä kɛ ji̱, ɣän bä ji̱ luek kä bä ji̱ guic.

⁹ /Cu bi ce̱tkɛ jio̱k tuɔ̱ruɔ̱k kiɛ muul min thil mi ŋäcɛ min la jakɛ kä muɔ̱l kɛ yiën thuɔkdɛ, kiɛ /cɛ dëë met kɔ̱a̱c.”

¹⁰ Rik ti ŋuan kɛ nyin ji̱ nyuɔɔni, duundɛ ɣöö nhök Kuɔth Nhial in thil pek tëë kɛɛl kɛ nɛy tin ŋa̱thkɛ jɛ.

¹¹ A lɔcdun tɛth kɛ Kuoth Nhial, yɛn nɛy tin ji̱ cuŋni, kä puanyɛ jɛ kɛ diit yɛn nɛy tin gɔw lo̱ckun!