Diit 3 - RUAC KUƆTH IN RƐL RƆ

Pal ruɔ̱n waaŋ kɛ kui̱ lua̱k

(Dit Dee-bid ëë kɛtdɛ mëë cɛ rɔ bar kɛ gatdɛ ni Ɛ̈b-ca-lom)

¹ Ɛŋu ci ji̱ tɛ̈rä ŋuan inɔ mɔ lö Kuoth Nhial, mɔ ci nɛy ti ŋuan rɔ̱ jiɛc kɛ kui̱dä mɔ.

² Ruac nɛy ti ŋuan kɛ kui̱dä wäkɛ i̱, “/Cɛ luäk bi jek kä Kuoth.”

³ Duundɛ ɣöö ɛ ji̱n ko̱tdä lö Kuoth Nhial, kä ɛ ji̱n buɔ̱mdä min kap wi̱cdä nhial.

⁴ Kä cua̱ Kuoth Nhial cɔl kɛ jɔw mi di̱i̱t, kä cuɛ ɣä loc ni wi̱i̱ pa̱a̱mdɛ min rɛl rɔ.

⁵ Ɣän mi dëë tɔ̱ɔ̱c, ɛ dëë niɛn, dëë rɔ nyɔk kɛ kër, kɛ ɣöö Kuoth Nhial, ɛ jɛn gaŋ ɣä mɔ.

⁶ Ɣän /cä bi dual kɛ nɛy ti bathdɔɔri wäl ti makɛ ɣä pëkni diaal.

⁷ Ku ben lö Kuoth Nhial, bër luäk ɣä lö Kuothdä. Kɛ ɣöö la pätdi jio̱m ji̱ tɛ̈rä, kä la tɛŋi lɛc ji̱ nyuɔɔni piny.

⁸ Kä luäk bëë kä ji̱n Kuoth Nhial, a puɔ̱thdu bëë kä nɛɛku.