Diit 24 - RUAC KUƆTH IN RƐL RƆ

Kuäär bunä

(Dit Dee-bid)

¹ Ɣɔw ɛ duŋ Kuɔth Nhial kɛnɛ tin diaal tin te thi̱n, kɛ wi̱c muɔ̱ɔ̱n kɛnɛ nɛy diaal tin cieŋ thi̱n,

² kɛ ɣöö cɛ jɛ la̱t wi̱i̱ pi̱i̱ni, kä cɛ jɛ la̱th ni wi̱i̱ bäpdiitni.

³ Kä ɛŋa dëë wä wi̱i̱ pa̱a̱m Kuɔth Nhial ɔ? Ɛŋa dëë cuɔ̱ŋ rɛy luaakdɛ min rɛl gɔɔydɛ rɔ mɔ?

⁴ Kɛ nɛy tin thil dueer kä buɔy lo̱ckiɛn, nɛy tin /ca kuth guääyni pal, kä /ca rɔ̱ yac kɛ kac.

⁵ Kɛ kɛn nɛy tin bi puɔ̱th jek kä Kuoth Nhial, kä bi Kuoth känädiɛn kɛ jak kä ji̱ cuŋni.

⁶ Kɛn ce̱tkɛ kɛ buɔ̱n nɛɛni tin görkɛ jɛ, nɛy tin görkɛ Kuoth Je-kɔb.

⁷ Kapɛ wuɔ̱thkun nhial, lö thiekni! Kä lɛ̈pɛ rɔ̱, lö thiekni tëë wal! Kɛ ɣöö bi Kuäär buɔyä ben rɛc.

⁸ Kä ɛŋa ɛn Kuäär buɔyä? Ɛ Kuoth Nhial, in bum bum, ɛ Kuoth Nhial in jooc naath ko̱o̱r!

⁹ Kapɛ wuɔ̱thkun nhial, lö thiekni! Kä lɛ̈pɛ rɔ̱, lö thiekni tëë wal! Kɛ ɣöö bi Kuäär buɔyä ben rɛc.

¹⁰ Kä ɛŋa ɛn Kuäär buɔyä nɛmɛ? Ɛ Kuoth Nhial in la Ruey Ɣɔaa, ɛ jɛn la Kuäär buɔyä mɔ!