Diit 23 - RUAC KUƆTH IN RƐL RƆ

Kuoth Nhial ɛ yieendä

(Dit Dee-bid)

¹ Kuoth Nhial gaŋɛ ɣä ce̱tkɛ, yieen deet mi gaŋ detkɛ.

² La ɣä a jakɛ kä tɔ̱ɔ̱c rɛy juaacni ti tɔ̱ɔ̱c. Cɛ ɣä bo̱th kut pi̱i̱ni ti cuŋ ɛ til,

³ ti̱eydä cɛ luɔ̱ɔ̱c. Cɛ ɣä bo̱th kɛ duɔ̱p cuŋni, kɛ kui̱ gɔɔyä cio̱tädɛ.

⁴ A cäŋ ja̱lä rɛy lo̱o̱lä li̱eth mi col, /cä bi dual kɛ jiäk. Kä kɛ ɣöö ti̱i̱ kɛɛl kɛ ɣä, taaŋdu min go̱o̱ŋ kɛnɛ kɛɛtdu la gaŋkɛ ɣä.

⁵ Kä ci ɣä lät kä mi̱eth ni nhiam ji̱ tɛ̈rä, kä curi wi̱cdä yi̱r kɛ liɛɛth, kä curi liɛɛrä thiäŋ a bɛ lɛɛny.

⁶ Kɛ thuɔ̱k gɔɔydu kɛnɛ kɔ̱a̱c lɔaacdu bikɛ te kɛɛl kɛ ɣä kɛ ni̱n teekädä diaal, kä bä cieŋ luaak Kuɔth Nhial kɛ pek teekädä kɛɛliw.