Diit 21 - RUAC KUƆTH IN RƐL RƆ

Liak kɛ kui̱ juɔ̱c

(Dit Dee-bid)

¹ Tɛth lɔc kua̱r rɛy bumkädu lö Kuoth Nhial, kä tëë kɛ liak kɛ ɣöö ci jɛ luäk!

² Kä ci jɛ ka̱m tin go̱o̱r lɔcdɛ kɛ, kä /keni jɛ pën min cɛ thiec kɛ thokdɛ.

³ Kä ci jɛ lor kɛ ria̱ŋ mi di̱i̱t, kä ci wi̱cdɛ moc kɛ kum dääpä mi lɛy lɛy.

⁴ Cɛ ji̱ thiec kɛ tëk, kä ci jɛ ka̱m jɛ, ci jɛ moc kɛ tëk mi bäär a wee kɛ wä.

⁵ Tëë kɛ buɔ̱m mi di̱i̱t kɛ ɣöö ci jɛ luäk, ci jɛ ka̱m liak kɛnɛ luth.

⁶ Kɛ thuɔ̱k ci jɛ ka̱m puɔ̱th mi do̱raar, kä ci lɔcdɛ jak kä tɛth kɛ ta̱a̱du gekädɛ.

⁷ Kɛ ɣöö te ŋa̱th kua̱r kä Kuoth Nhial, kɛnɛ nhök Kuɔth in Di̱t ni Jɛn in thil pek, thilɛ mi bi jɛ woc.

⁸ Bi kuäär ji̱ tɛ̈rɛ diaal käp, bi nɛy diaal tin lökɛ ji̱ käp.

⁹ Bikɛ jak kä ce̱tnikɛ yiëëth mi ca thal mi wi̱i̱ jɔɔc. Bi Kuoth Nhial kɛ bät kɛ gakdɛ, kä bi mackɛ cu thuk.

¹⁰ Kä lö kuäär bi kuaykiɛn cu däk wi̱i̱ muɔ̱ɔ̱n, kä bi gaatkiɛn thuk rɛy gan nath.

¹¹ A cäŋ ba ji̱ lät kä ca̱a̱p ti jiäk kɛnɛ cär ti jiäk, /cikɛn ɛ bi luäŋ.

¹² Bikɛ jak kä barkɛ rɔ̱, mi wi̱i̱ bääru wä luɔ̱ckɛ.

¹³ A ji̱ liakɛ, lö Kuoth Nhial, rɛy bumädu! Bakɔ buɔ̱mdu liak kɛ diit.