Diit 20 - RUAC KUƆTH IN RƐL RƆ

Pal kɛ kui̱ juɔ̱c

(Dit Dee-bid)

¹ Bi Kuoth Nhial ji̱ loc guäth in ti̱i̱ rikä! Bi ciöt Kuɔth Je-kɔb ji̱ gaŋ!

² Bɛ ji̱ jäk kä luäk luaakdɛ, kä bɛ ji̱ ka̱m luäk kä Dha-yɔn!

³ Kä bɛ mucku diaal tim, kä bɛ mucku tin waŋkɛ nhɔk!

⁴ Kä bɛ ji̱ ka̱m tin go̱o̱ri kɛ lɔcdu, kä bɛ cärku diaal jak kä thuɔ̱ɔ̱k!

⁵ Kä kɛ juɔ̱cdu kɛ naath bakɔ rɔal kɛ tɛ̈th lɔaac, kä bakɔ bɛɛra kap nhial kɛ ciöt Kuɔthda! Bi Kuoth Nhial tin diaal tin ci thiec ka̱m ji̱!

⁶ Kä täämɛ cä ŋa̱c ɛn ɣöö Kuoth Nhial bɛ kuäärɛ luäk, bɛ jɛ loc ni puɔ̱ɔ̱rädɛ kɛ buɔ̱m tetdä cuëëcdɛ.

⁷ Tha̱a̱ŋ nath ŋa̱thkɛ ni thurbiɛɛli, kä nɛy tin kɔ̱ŋ ŋa̱thkɛ ni jiöŋkööri, duundɛ ɣöö ku nɛy lɛ ŋäth ni ciöt Kuɔth Nhial Kuothda.

⁸ Kɛn ca kɛ däk kä ba kɛ joc, duundɛ ɣöö bakɔ wä thi̱n kä bakɔ cuɔ̱ŋ ɛ bum.

⁹ Kämni kuäär juɔ̱c nath lö Kuoth Nhial, kä loc nɛy mi cɔalkɔ ji̱.