Diit 2 - RUAC KUƆTH IN RƐL RƆ

Kuäär Kuɔth mi cɛ mɛk

¹ Ɛŋu mi gak kɛ döör kä lät naath ca̱a̱p baaŋ ti jiäk?

² Kä ɛŋu rial kua̱r wec muɔ̱ɔ̱n rɔ̱ ikä ɔ, kä rol ruëëc rɔ̱ guäth kɛl kɛ kui̱ Kuɔth Nhial, kɛnɛ kuäär in cɛ mɛk.

³ Cukɛ wee i̱, “Kuanɛ rɔ̱ jak kä lɔr kä ruecdiɛn kä yia̱knɛ depkiɛn tin yiankɛ kɔn piny.”

⁴ Kä cu ram in nyuur nhial to̱k dɔl, ɛn Kuoth Nhial cuɛ kɛ lɛŋ.

⁵ Kä cuɛ kɛ luek kɛ kɛ̈cdɛ, kä cuɛ kɛ jak kä dual kɛ ŋɛ̈ɛ̈nydɛ, wëë i̱,

⁶ “Ɣän cä kuäärä kuany kä Dha-yɔn pämdä min rɛl rɔ.”

⁷ Ɣän bä yɛ la̱t min ci Kuoth Nhial ɛ lar. Cɛ ɣä jiök i̱, “Ɛ ji̱n gatdä, kä ɛn walɛ ci ɣän a guur.

⁸ Thiec ɣä, bä döör jak kä nyinku, kä bi wi̱c muɔ̱ɔ̱n a duŋdu.

⁹ Bikɛ duäc kɛ kɛɛt yieethä, kä bikɛ tiëëth ni ŋëëtni, ce̱tnikɛ dhaar muɔ̱ɔ̱n.”

¹⁰ Kɛ kui̱ ɛmɔ täämɛ lö kua̱r, pɛlɛ kä ŋa̱cɛ nɛmɛ lö ruëëc muɔ̱ɔ̱n.

¹¹ Palɛ Kuoth Nhial kɛ luth, kä a lɔcdun tɛth kä ka̱mɛ rɔ̱ mua̱a̱l.

¹² Luɔ̱thɛ gatdɛ, kɛ ɣöö /cɛ bi gaak, kiɛ bi gakdɛ ben kɛ pɛ̈th. Duundɛ ɣöö puɔ̱th akɛ nɛy diaal tin lua̱kɛ rɔ̱ jɛ.